СҮБЭҺИТ: Хаһаайкаларга сүбэлэр

Норуот сөбүлээн бэлиэтиир сандал саас бырааһынньыгын (масленица) көрсө хаһаайкаларга анаан блины астыырга ырысыаптары уонна кылгас сүбэлэри биэрэбит. Быйыл сандал саас бырааһынньыктара олунньу 24 күнүттэн саҕаланаллар уонна кулун тутар 2 күнүгэр түмүктэнэллэр.

Боростуой блины

Ырысыаба:
2 ыстакаан бурдук; 2 ыстакаан үүт; 3 сымыыт; 1/2 ыстакаан мас арыыта; 1 ч.нь. түүс; 2 ост.нь. саахар.

Дириҥ иһиккэ саахары, тууһу уонна сымыыты ытыйабыт. Сыыйа-баайа ытыйа турар сымыыкка үүтү кутабыт. Ити кэннэ кыралаан бурдук кутабыт, үчүгэйдик булкуйабыт. Бүтэһигэр чараас гына арыынан сотуллубут хобордооххо буһарабыт. Блиналары икки өттүттэн ыксаабакка буһарар ордук.

Аһыйбыт үүттэн блины

Ырысыаба:
1,5 стакана аһыйбыт үүт; 1 ыстакаан бурдук; 1 сымыыт; 1/2 ч.нь. суода; туус, саахар; 2-3 ост.нь. мас арыыта.

Аһыйбыт үүккэ сымыыт, суода, туус уонна саахар кутабыт. Үчүгэйдик булкуйабыт. Сыыйа бурдук кутан ытыйабыт. Бүтэһигэр мас арыынан сотуллубут хобордооххо буһарабыт.

Маны билэҕин дуо?

• – Сымыыты бүтэйдии буһарарга сороҕор алдьанан, сымыыт үрүҥэ тахсан кэлэр. Маннык буолбатын туһугар буһарар ууга биир-икки остолуобай ньуоска уксус кутуллар.
• – Аһылыкка кутар эриэппэ луук амтанан уларыйбатын, аһыы буолбатын туһугар луугу мясорубкаҕа эрийтэримэҥ, тимир терканы туһанымаҥ. Манна ордук маҕаһыын быһахтара барсаллар. Тимир луук амтанын уларытар.
• – Күөх үүнээйи (зелень) хас да күн сибиэһэй туруон баҕарар буоллаххытына, бэрт түргэнник тымныы ууга уган ылыҥ, онтон чараас бакыаттарга тэниччи суулааҥ уонна холодильникка ууруҥ.
• – Балык хатырыгын судургутук маннык ыраастыахха сөп: балык үрдүгэр оргуйа турар итии ууну кутуҥ уонна таһааран быһаҕынан кыһыйан кэбиһиҥ.
• – Саҥа ыскаатар өр сулууспалыырын, хайыта барбатын туһугар уксуһу уонна үүтү (тэҥ-тэҥигэр) булкуйан суурадаһынна оҥорон сот. Ыскаатаргытын кыратык быспыт буоллаххытына икки өттүттэн өҥө суох тыҥырах лааҕынан сотуҥ.
• – Мясорубкаҕыт быһаҕа сыппаабыт дии санаатаххытына, килиэптэн суухара оҥорон мясорубкаҕа эрийтэриҥ. Панировочнай сухари да бэлэм, быһаххытын даҕаны сытыылыыгыт.
• – Таҥаска, көбүөргэ тохтубут буосканы бэрт судургутук ыраастыахха сөп. Буоска үрдүгэр хас даҕаны хос бүк тутуллубут салпыакканы, ол үрдүгэр бамыһыай (фланель) таҥаһы уур, итии өтүүгүнэн өтүүктээ.
• – Микроволновай оһоҕу судургутук маннык ыраастыахха сөп: иһиккэ уута кут, онно иһит сууйар убаҕас сириэстибэни эп, иһит сууйар гуубканы илитэн ылан баран (балачча уулаах) микроволновкаҕа уган мүнүүтэ аҥаара сылыт уонна ити губканан микроволновка иһин сотон кэбис. Онтон сииктээх тирээпкэнэн сот.