СҮБЭҺИТ: Хаһаайыстыбаннай мыыла кистэлэҥнэрэ

Сэбиэскэй кэм саҕана хаһаайыстыбаннай мыыланы хас биирдии ыалга уопуттаах хаһаайка бары үлэҕэ туһанар буолара. Билигин араас сууйар сириэстибэ элбээн, бары да кэриэтэ хаһаайыстыбыннай мыылаттан аккаастанан, аныгы кытай, дьоппуон, корея бороһуоктарын, гиэллэрин ирэ-хоро туһаналлар. Оттон билигин эдэр хаһаайкалар хаһаайыстыбаннай мыыланы туохха туһаныахтарый сөбүй?

Хаһаайыстыбаннай мыыла тас көрүҥэ, сыта-сымара төһө да куһаҕанын иһин, дьиҥнээх натуральнай буолан, биир саамай «универсальнай антисептиктартан» биирдэстэринэн буолар. Мыыланы илии эрэ суунарга туһаныллыбат, ону таһынан күннээҕи олоххо- дьаһахха эрэллээх «доҕор» оҥостуохха сөп.

• Таҥас сууйабыт. Солко, түүлээх курдук таҥастарга хаһаайыстыбаннай мыыла туох даҕаны буортуну оҥорбот. Мыыла биир үчүгэйэ — сыты-сымары уонна үрүҥ бээтинэлэри хаалларбат.
• Дьиэҕэ-уокка туһанабыт. Хаһаайыстыбаннай мыыла дьиэҕэ-уокка ырааһы туттарга солбуллубат сириэстибэнэн хаалар. Холобур, мыылаттан суурадаһын оҥорон, ханнык да сыаналаах сириэстибэттэн итэҕэһэ суох кыбартыыраны барытын сууйуохха сөп, иһити сууйарга даҕаны тэҥнээҕэ суох.
• Сиэркилэни сотобут. Мыыла кыра куһуогунан сиэркилэ кирин-хаҕын сууйан баран, кумааҕынан соттоххо, түргэнник ырааһырар.
• Оҕуруокка кутабыт. Натуральнай сириэстибэ буолан, иһит сууйбут мыылалаах ууну үүнээйигэ куттаммакка кутабыт — буортуну оҥорбот.
• Доруобуйаҕа туһалаах. Бэртээхэй антисептик уонна күүстээх бактерияны утары дьайыылардаах.
• Кыраһыабай буолуу. Мыыланы баттах уһатарга, хойуннарарга туһанналлар эбит. Өссө баттах хоһоҕотун суох оҥорорго абыраллаах сириэстибэ.