СҮБЭҺИТ: Хаппыыстаны үөнтэн-көйүүртэн көмүскүүр судургу ньыма

Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар улахан кыһалҕалара буолар. Уопуттаах оҕуруотчуттар хаппыыстаны үөнтэн-көйүүртэн харыстыыр судургу, ол эрээри олус туһалаах кистэлэҥнэрин кытта үллэстэллэр. Сүрүн ингредиент – бары дьиэҕэ баар көннөрү остуол уксууһа.

Суурадаһыны бэлэмниибит: 10 лиитэрэ ууга 1 улахан ньуоска 70%-наах уксуус  кутаҕыт. Үчүгэйдик булкуйан баран, хаппыыстаҕытын тутатына ыстараҕыт.

Туохха туһалыырый? Бу судургу ньыма хаппыыстаны белянкаттан, крестоцветнай быттартан уонна тляттан быыһыыр. Уксуус сытыы сыта үөннэри үргүтэр, онон кинилэр үүнээйигэ олорботтор, сымыыттарын уурбаттар.

Ханнык үүнээйилэргэ өссө туттуохха сөбүй? Бу суураллыбытынан хаппыыстаттан ураты атын крестоцветнай үүнээйилэри эмиэ көмүскүөххэ сөп: эриэппэ, редиска, дьаабылыка отоно, брюква, сүбүөкүлэ .

Сүбэлэр: Үүнээйигэ суурадаһыны сарсыарда эрдэ эбэтэр киэһэ, күн уота сыппаабытын кэннэ ыстарар ордук. Күннээххэ ыстардахха сэбирдэҕэ сиэниэн сөп.  Ардах түстэҕинэ, уксуус суураллан хаалар, онон ардах кэнниттэн хайаан да хатылаан ыстарыахтааххыт. Бу ньыма түргэнник уонна судургутук оҥоһуллар, оттон түмүгэ тута биллэр: үөннэр-көйүүрдэр сүтэллэр, үүнээйигит чэгиэн-чэбдик буолар.