СҮБЭҺИТ: Имбиирдээх уонна лимоннаах барыанньа бэлэмниибит

Алтынньы ортотуттан биллэрдик тымныйан барда. Кириип, тымныйыы ыарыылара тарҕанара үксүүр. Онон сибээстээн, үс эрэ бородууктаттан турар барыанньа курдук олус боростуой булкаһык ырысыабын кытта үллэстэбит.  Аллергиялаахтарга мүөтү саахарынан солбуйуохха сөп.

Састааба: имбиир – 1-2 уст., лимон – 1 уст. мүөт – 5 улахан ньуоска.

Оҥоһуллар ньымата:

1. Лимону сууйан, сотон куурдабыт, ыраастыыбыт. 2. Лимон кырбастарын хахтыын эт астатар массыынанан эрийтэрэбит. 3. Имбиири ыраастаан, кырбастаан баран, эмиэ эт астатар массыынанан эрийтэрэбит. 4. Мүөтү кутабыт (ахсаанын бэйэҕит көрөн кутуҥ). Мүөтү амтаныгар сөп түбэһиннэрэн саахарынан солбуйуохха сөп. 5. Барытын үчүгэйдик булкуйабыт. 6. Муус оҥорор фуормаларга кутабыт. 7. Ордугун бааҥкаҕа мунньабыт. Тоҥоруллубут кэмпиэттэри морозилкаҕа харайабыт уонна иһэрбитигэр биирдиилээн ылан, биир ыстакаан итии чэйгэ угабыт. Чэй көйөбүт, онно биир тоҥ кэмпиэти быраҕабыт. Олус минньигэс, ириэрэр чэйинэн айах тутабыт!