СҮБЭҺИТ: Ириис курууппаны буһарыы кистэлэҥэ

Минньигэс плову буһарыы биир сүрүн кистэлэҥинэн ириис курууппаны илитэр уонна буһарар уу температуратыттан тутулуктаах. Манна хас биирдии хаһаайка тымныы ууга эбэтэр итии ууга буһарар туһунан мунаахсыйар.

Чахчытыгар ирииһи буһарыыга уу температурата бүлүүдэ амтанын, сытын-сымарын уларытар кыахтаах.

Ирииһи быһа холоон 30 эбэтэр 60 мүнүүтэ устата тымныы ууга  туруордахха ириис курууппа биир тэҥник сымныыр. Тымныы уу ордук уһун ириис курууппаҕа сөп түбэһэр, тоҕо диэтэххэ тымныы уу ириис көрүҥүн уларыппат, оннунан хаалларар.

Оттон итии уу, быһа холоон 70°С, ириис курууппаны сымнатар, ситэ буһар бириэмэтин аҕыйатар. Маннык ньыма түргэнник ас буһарааччыларга сөп түбэһэр. Ол эрээри үрдүк температура ириис көрүҥүн уларытыан сөп.

Оччотугар тугу талабытый? Кылгастык эттэххэ — түргэнник буһарарга итии уу барсар, оттон тымныы ууну ириис курууппа көрүҥэ уларыйбатыгар туһаныҥ.