СҮБЭҺИТ: Казылыгы астыыбыт

Казылык — башкир норуотун бүлүүдэтэ. Судургутук эттэххэ, сылгы этиттэн оҥоһуллубут дьиэтээҕи халбаһыы буолар. Казы (хаһа)  диэн түүрдэр бүлүүдэлэрин биир көрүҥэ.

Сылгы сыалаах этин уонна хаһа сыатын ылан, 3-4 см уһуннаах, 2 см кэтиттээх гына кырбыыбыт, тууһунан, хара биэрэһинэн сотон баран, биир суукка тымныыга (халадьыынныькка) сытыарабыт. Манна убаһа этэ, иһэ эмиэ барсар.

Сүөһү, эбэтэр, сылгы оһоҕоһун үчүгэйдик сууйан баран, биир өттүн баайабыт. Оһоҕоско бэлэмнэммит эти симэбит. Баайан баран, хас да күн күҥҥэ ыйаан туруорабыт.

Бу кэнниттэн 1,5-2 ый салгыннаах, сөрүүн сиргэ ыйаан, ситэрин кэтэһэбит.

Казылыгы ууга буһаран баран, халбаһы курдук быһан, сииллэр. Истиэп олохтоохторо бу курдук эти хаһааналлара. Аныгы үйэҕэ сорохтор оҥороот да, 2 ый ситэрин кэтэспэккэ, тута буһаран сииллэр. Башкирдар казы, карта диэн сылгы иһин сөбүлээн сииллэрэ биллэр.