СҮБЭҺИТ: Кирэдьиит каартатынан бырыһыан төлөөбөккө хайдах туһаныахха сөбүй?

Харчыны иэс ылан баран бырыһыан төлөөбөт буолуу — кирэдьиит каартатын сөпкө дьаһаннахха, толору кыаллар суол. Бу туһунан Объясняем.рф саайт суруйар.

Кирэдьиит каартаны хаһан оҥотторуохха сөбүй?

Иэскитин болдьоҕор сабар кыаххытыгар эрэлэ суох буоллаххытына, кирэдьиит каартаны туттумаҥ. Эспиэрдэр маннык каартанан күннээҕи наадаҕа: аска-үөлгэ, тырааныспарга айаҥҥа төлөһөрү сүбэлээбэттэр. Харчыгытынан кыһалҕата суох буоллаххытына уонна иэскитин кэмигэр төлүөхпүт диэн эрэнэр буоллаххытына, каарта улахан атыыга-тутууга туһалаах буолуон сөп.

Оҥотторорго туохха болҕомтону ууруохха нааданый?

• Чэпчэтиилээх кэм — бу баан бэйэтин үбүн туһаммыт иһин бырыһыан аахпат кэмэ. Дуогабарга төһө уһунун уонна ханнык эпэрээссийэлэргэ тарҕанарын үөрэтиҥ. Үксүн уу харчыны устарга уонна харчыны көһөрүүгэ үлэлээбэт.
• Муҥутуур кыра төлөбүр кээмэйэ — бу кирэдьиит сууматын сабар гына, бэлиэтэммит кэм иһигэр киллэриллиэхтээх суума кээмэйэ. Маны төлөөбөтөххө, иэс болдьоҕо ааһар уонна бырыһыан ааҕыллар.
• Бырыһыан ыстаапката. Көннөрү кирэдьииттээҕэр үрдүк (үксүн сылга 40–60%) уонна чэпчэтиилээх кэм бүтээтин кытта ааҕыллан барар.
• Ыстарааптар — бу баан алын төлөбүрү кэмигэр киллэрбэтэххэ аныыр ыстарааптара.
• Хааччыйыы иһин төлөбүр: каартаны биэрии, СМС уонна биллэриилэр, страховка иһин хамыыһыйа.
• Партнердартан чэпчэтиилэр уонна каартаҕа кешбэк.

Кирэдьиит каартанан хайдах туһаныахха сөбүй?

• Баан бырыһыан уонна ыстараап аахпатын наадатыгар, иэскитин чэпчэтиилээх кэм бүтүөр диэри сабыҥ. Умнан кэбиспэт туһугар, төлөпүөҥҥэ санатааччы көмөлөһөөччүнү туруорунуҥ. Оччоҕо эһиги кирэдьиит иһин эбии төлөөбөт эрэ буолбакка, кирэдьиит устуоруйаҕытын тупсарыаххыт.
• Босхо хааччыллыылаах каартаны талыҥ эбэтэр дуогабар усулуобуйатын тутуһуҥ, оччоҕо хамыыһыйа тутуллуо суоҕа. Холобур, кирэдьиит каарта муҥутуур кыра суумаҕа атыылаһыылары оҥоруҥ.
• Каартаттан уу харчыны устумаҥ уонна харчыны көһөрүмэҥ, өскөтүн онно бырыһыан ааҕыллар буоллаҕына.
• Лимиттэн 30%-тан ордугу туттумаҥ. Бу кирэдьиит устуоруйатын мөлтөтүөн сөп.