СҮБЭҺИТ: Курууппаны, эриэхэни сөпкө хаһаанабыт…

Cөпкө харайыллыбатах курууппа арааһа уонна эриэхэ  араак ыарыыны үөскэтиэн сөп эбит.

Тоҕо диэтэххэ, түүнүк тэллэйэ үөскээн афлатоксин диэн дьааты үөскэтэр. Туһалаах бородууктаны дьаакка кубулуппат туһугар, атыылаһан кэлээт таас бааҥкаларга (стеклянки) хаһаанар ордук. Оччотугар курууппаҕа да эриэхэҕэ да сиик, салгын киирбэт.

Курууппаны хараҥа, кураанах сиргэ хаһаанар ордук. Кини сылаастан ыраах буолуохтаах. Оттон эриэхэни халадьыылынньыкка уурар ордук. Оттон эриэхэни уһун кэмҥэ хаһаанар буоллахха, морозильникка уган тоҥорор быдан туһалаах эбит. Өскөтүн, эриэхэҕэ кыратык даҕаны аһыы амтаны биллигит да, эбэтэр түүнүк сибикитин бэлиэтии көрдүгүт да,  тута харыһыйбакка быраҕар буолуҥ.

Афлатоксин дьаатын буһарыы, оргутуу, ыһаарылааһын да сүтэрбэт. Онон тута быраҕыллыахтаах.