СҮБЭҺИТ: Кымырдаҕастан уонна өтүөнэ үөнтэн босхолонобут…

Эспиэрдэр кымырдаҕаһы уонна  өтүөнэ үөнү (тля- үүнээйилэр сүмэһиннэринэн иитиллэр кыра үөн) суох оҥорорго икки судургу ньыманы сүбэлииллэр.

Уһаайбаҕа баар кымырдаҕас уонна өтүөнэ үөн – бары кэриэтэ оҕуруотчуттар  өстөөҕө буолаллар. Кымырдаҕастар сынньанар кэмҥитигэр мэһэйдиэхтэрин сөп, оттон өтүөнэлэр үүнээйигэ саба түһэллэр. Сорох албастары билбэт буоллаххытына бу үөннэри-көйүүрдэри кытта охсуһуу уустук буолуон сөп, ол эрээри, дьиҥэр, манна судургу ньымалар бааллар.

Ньыма №1 – Өтүөнэ үөнү кытта охсуһуу

Бу ньыманы ханнык баҕарар үүнээйигэ, оҕуруот аһыгар кытта, куттаммакка өтүөн үөнү утары хорсуннук туһаныахха сөп.  Онно анаан бэйэ оҥорорбут  эмп наада:

• 50 грамм аһыы кыһыл биэрэһи атыылаһыҥ.
• Барытын хоппоҕо кутан, биир лиитирэ ууга булкуйуҥ.
• Мөлтөх уокка оргуйуор диэри булкуйа-булкуйа (15–20 мүнүүтэ) туруоруҥ.
• Сойута уонна түүн устата көөнньөрө ууруҥ.
• Көөнньөһүгү сиидэлээн баран, сылаас ууга  1:4 тэҥнэбилгэ суурайыҥ.
• Пульверизаторга кутан баран ыстарыҥ.

Ньыма №2 – Кымырдаҕаһы кытта охсуһуу.

Кэминэн тургутуллубут ньыма. Сир аннынааҕы кымырдаҕас уйаларыгар кутарга сөп түбэһэр. Ону таһынан атын буортулааччылары эмиэ үргүтэр.

• Аптекаҕа нашатыыр испиирин атыылаһыҥ.
• Таһырдьа сылаас ууга булкуйуҥ.
• Үүнээйи аттыгар баар буоллаҕына – биир лиитирэ ууга 10 мл нашатыыры кутуҥ.
• Үүнээйи аттыгар буолбатах буоллаҕына – 5–10 төгүл күүстээх (концентрациялаах) суурадаһыны оҥоруохха сөп.
• Оҥоһуллубут суурадаһыны кымырдаҕас уйатыгар  кутуҥ.

Аныгыскы күнүгэр, баҕар, кымырдаҕас уйата суох буолуоҕа. Туох эмэ хаалбыт буоллаҕына – бу дьаһалы хатылыахха сөп.