СҮБЭҺИТ: Кыра оҕо түүн уһуктар буоллаҕына…

Кыра оҕолордоох ийэлэр оҕо түүн уһуктарыттан сылтаан, ууларын хамматтар, онтон сылтаан доруобуйалара да эмсэҕэлиэн сөп.

Түүн хаста да уһуктар оҕо иммунитета мөлтүүр эбит. Бу туһунан оҕо бырааһа Виктор Краснов бэлиэтиир. Кини этэринэн, оҕо биир сааһын кэнниттэн түүн аһыыра тохтуохтаах, онон холкутук сарсыардааҥҥы диэри уһуктубакка утуйуохтаах. Өскөтүн, биирин ааспыт оҕо түүннэри уһуктар, үүт иһэр буоллаҕына, сыыйа үүтү уунан солбуйан аһыырын тохтотуллуохтааҕын ыйар.

Өскөтүн оҕо түүн хаста да уһуктар буоллаҕына:

• Күн устата оҕо тэлэбиисэри, төлөпүөнү көрөн сылайыа суохтаах. Мэйиитэ сылайар оҕо холкутук утуйбат.
• Оҕо утуйар хоһо сөрүүн буолуохтаах. Итиигэ оҕо этэ көймөстөр.
• Биирин ааспыт оҕо күнүс биир чаас устата утуйуохтаах. Иккилии-үстүү чаас утуйар оҕо түүҥҥү утуйуутугар сэргэхтик утуйуон сөп.
• Утуйуох икки чаас иннинэ чуумпу эйгэни үөскэтии көмөлөһөр. Тэлэбиисэри холбоон оҕо уйулҕатын уйгуурдумаҥ.