СҮБЭҺИТ:. Кытаанах эти сымнаҕас гынабыт

Биллэрин курдук, кырдьаҕас сүөһү этэ бэрт кытаанах буолар. Маны уһуннук буһарартан ураты хайдах сымнаҕас гынабыт?

Хартыыһа

Хартыыһа эккэ барсар, ураты амтаны биэрэр уонна бэрт минньи­гэс сыттаах буолар. Улахан куһуок эти хартыыһанан сыбаан баран, чаас курдук туруора түһүллэр, онтон сууйан кэбиһэн баран буһарыллар. Духуопкаҕа буһарар буоллахха, чараас олус улахана суох өлүүлэргэ бысталаан баран икки өттүттэн өтүйэнэн сымнатыллар, хартыыһанан сотуллар, 15 мүн. курдук туруора түһүллэр уонна духуопкаҕа буһарыллар.

Туус

Эт кытаанах түгэнигэр, бастатан туран, тууһун төһө кыалларынан хойут, буһарын эрэ саҕана эбэтэр остуолга уураргытыгар кутуҥ диэн сү­­бэлииллэр. Иккиһинэн, аҕыйах тууһу кутуҥ дииллэр (1 киилэ эккэ 1 кыра ньуоска).

Аһыы сүмэһиҥҥэ туруоруу

Аһыы сүмэһин эти олус сымнатар. Ол да иһин шашлык этигэр эриэппэ луугу кырбаан кутар буоллахтара. Ыһаары этин эмиэ луукка туруора түһүөххүтүн, кыра лимон суогун кутуоххутун эбэтэр гаастаах минеральнай ууга сытыарыаххытын сөп. Уксус эккэ букатын барсыбатын бэлиэ­тииллэр.