Хаартыска: https://pxhere.com/
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр…
Тумуу, кириип, сөтөл ыарыыта тарҕаныытын кэмигэр антибиотигы анааһын да, туһаныы да көрүҥэ элбиир. Быраастар бары да кэриэтэ сыстыганнаах ыарыыны эмтииргэ методическай сүбэлэринэн антибиотик аныыллар. Арай антибиотик киһи организмыгар киирэн, биир “өстөөҕү” өлөрөн-өһөрөн баран, таарыйа атыны алдьатан, ыһан-тоҕон, урусхаллаан тахсара биллэр. Оһоҕоско баар туһалаах бактыарыйалары, микроорганизмнары өлөртүүр, онтон иммунитет охсууну ылар. Ити сыалтан социальнай ситимнэринэн, бэчээт эйгэтигэр тиийэ олоххо наадалаах, туһалаах сүбэлэри ыыталларын бэлиэтии көрөбүт. Бүгүн туһалааҕа буолаарай диэн, биир сүбэни тиэрдэбит.
Лабыктаны аска-үөлгэ кутан сиир туһалаах дииллэр. Холобур, сорох дьон лабыкталаах алаадьы оҥороллор. Хаппыт лабыктаны кыратык бытарыта түһэн баран, тиэстэҕэ булкуйан буһараллар. Лабыкта кыра аһыҥас амтаны биэрэр, диэн суруйар Тамара Винокурова, педагогическай үлэ бэтэрээнэ, учууталлар учууталлара, “Өймөкөөн” кэммиэрсийэтэ суох түмсүү чилиэнэ.
Учуонайдар этэллэринэн, бу үүнээйигэ киһи этигэр-сиинигэр баар микробтары, бактериялары өлөрөр “усниновая кислота” диэн күүстээх антибиотиктаах. Онтон биир өрүтүнэн лабыктаны оргутан, настой оҥорон куртах, тыынар уорган ыарыыларыгар туттар эбиттэр. Быары, бүөрү, тымыры, хааны ыраастыыр, холестерины, саахары аччатар диэн суруйаллар. Ааспат сөтөлгө оргуйбут итии ууга көйөрөн иһэллэр.
Кэмиттэн тутулуга суох тиит мас лабаатыгар үүнэр лабыктаны хомуйабыт, сууйабыт, хатарабыт уонна таас иһиттэргэ уган хаһаанабыт. Бу олох туох да уустуга суох. Ол кэннэ аска кутабыт биитэр оргуйбут ууга кутан көйөрөн иһэбит.
Чөл куттаах, чэгиэн-чэбдик доруобуйалаах буолуҥ!
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…