Хаартыска: куйаар аһаҕас ситимиттэн
Кыһыҥҥы хаһаас – ордубут оҕуруот аһын харыстыырга бэрт ньыма. Тымныы кыһын киэһэтигэр сымнаҕас сыттаах лечолаах бааҥканы аһан, сайыны санаан кэлэрдээҕэр ордук туох үчүгэй буолуой?
Бу ырысыапка сиппит, алдьамматах оҕуруот астара барсаллар – туһаныллар астар төһөнөн уулаах-симэһиннээх уонна сибиэһэй да, соччонон хаһааспыт минньигэс буолар. Базилигы таһынан атын ханнык баҕарар оттору уонна тумалары туһаныахха сөп. Лечо уһуннук туруон баҕарар буоллаххытына, куурдуллубут оту туһанар ордук – сибиэһэй от бааҥкаҕа хаһаас болдьоҕун кылгатар.
Биһиэхэ наада буолуоҕа: минньигэс биэрэс – 1⅕ кг , помидор – 1 кг , базилик – 20 г , чили биэрэс – 1 устуука, чосунуок – 4 өлүүтэ, саахар – 60 г, мас арыыта – 20 мл, уксус (9%) – 20 мл, туус.
Помидордары бөдөҥ өлүүлэргэ кырбааҥ.Помидордары базиликтыын блендергэ биир кэлим маасса буолуор диэри эрийтэриҥ. Базилигы амтаны күүһүрдэргэ туһаныллар. Тахсыбыт пюрены помидор хаҕыттан ыраастыырга сиитэ нөҥүө аһарыҥ. Минньигэс биэрэстэри сиэмэлэриттэн ыраастааҥ уонна халыҥ гына кырбааҥ.Биэрэһи көстүрүүлэҕэ уган баран, үрдүнэн томат пюретын кутуҥ, оргутуҥ уонна оргуйбутун кэннэ кыра уокка 10–15 мүнүүтэ буһарыҥ. Биэрэстэр сымныахтаахтар, ол эрээри буһан ыһыллыа суохтаахтар. Чосунуога уонна чили биэрэһи көстүрүүлээҕэ угуҥ, тууһу, саахары, арыыны уонна уксууһу эбиҥ. Булкуйуҥ, амсайан көрүҥ уонна наада буоллаҕына өссө туустааҥ. Өссө 5 мүнүүтэ буһарыҥ. Лечоны бааҥкаларга кутуҥ, саба хаппахтаан эргитиҥ, төттөрү туруоруҥ уонна толору сойутуҥ. Бааҥкалары сөрүүн сиргэ харайыҥ.
Хамсаныы аҕыйаҕа, саахары наһаа элбэҕи сиэһин, өр кэм устата утуйбат буолуу уонна аһыыр быһыы-майгы кэһиллиитэ…
Саха сиригэр «Саха Өрөспүүбүлүкэтин Аҕа дойду буойуннарын дьиэ кэргэттэрин кэмитиэтэ» автономнай кэммиэрчэскэйэ суох тэрилтэ уонна…
Ыччат — бу саас кээмэйинэн хааччахтаммыт статистическай халыып эрэ буолбатах. Ыччат ханнык баҕарар уопсастыба инники кэскилэ…
Хатас сэлиэнньэтигэр буолбут баһаарга Саха сиринээҕи ИДьМ сулууспатын ГАИ үлэһиттэрэ, полиция лейтенаннара Роман Обоев уонна…
Үчүгэй туруктаах, бирниркскай тииптээх гарпун уһугун Илин Сибиирдээҕи байҕал акваториятыгар, Аллараа Халыма улууһугар баар «Эһэлээх…
Атырдьах ыйын 8 күнүгэр киэһэ 22:40 чааска Үөһээ Бүлүүтээҕи ЕДДС сулууспатыгар 1955 с.т. эр киһи…