СҮБЭҺИТ: Майонезтаах салааттары сөпкө харайабыт

Майонезтаах салааттары сөпкө харайарга анаан хас да сүбэни таһаарабыт:

1. Сибиэһэй уонна хаачыстыбалаах бородууктаны туһаныҥ

Салааттары сибиэһэй астан оҥорор улахан суолталаах. Бэлэмнииргит иннинэ, бары бородуукталар, ол иһигэр майонез, болдьоҕо ааспатаҕын уонна буорту буолбатаҕын бэрэбиэркэлээҥ.

2. Иһити сөпкө талыҥ

Майонезтаах салааттары харайарга ыга сабыллар хаппахтаах пластик эбэтэр өстүөкүлэ иһиттэр ордук табыгастаахтар. Кинилэр салгын киирэриттэн көмүскүүллэр, салаат сибиэһэйин харыстыыллар.

3. Температураны умнумаҥ

Майонезтаах салааттары халадыынньыкка 0-тан 4 кыраадыска диэри температураҕа харайыахха наада. Дьиэ температуратыгар өр хаалларымаҥ – бактериялар үҕскүүллэригэр тиэрдиэн сөп.

4. Болдьоҕун иһинэн сиэҥ

Майонезтаах салааттары бэлэмнэммитин кэннэ 1-2 күн иһигэр сииргэ сүбэлэнэр. Төһөнөн өр харайыллар да, соччонон амтана уонна сибиэһэйэ сүтэр кыаҕа улаатар. Өскөтүн өҥө уларыйбытын эбэтэр сыта мөлтөөбүтүн биллэххитинэ,  салааты быраҕар ордук.

5. Майонеһы остуолга уурар иннинэ кутуҥ

Өскөтүн эһиги салааккытыгар хортуоппуй эбэтэр моркуоп курдук оҕуруот аһа баар буоллаҕына, майонеһы остуолга уурар эрэ иннинэ кутуҥ. Бу бородуукталар туруктарын харыстыырга уонна түргэнник сымныылларын тохтоторго көмөлөһүө.

6. Уксууһу эбэтэр лимон сүмэһинин туһаныҥ

Өскөтүн салаат харайыллар болдьоҕун уһатыаххытын баҕардаххытына, майонезтаах соуска кыра уксууһу эбэтэр лимон сүмэһинин эбиҥ. Бу астар салаакка ураты амтаны биэрэллэрин таһынан, бактериялары утары дьайаллар.