Хаартыска: www.russianfood.com
Безени миксэрдээбэккэ, духуопката суох астыахха сөп дуо?
Олус судургу! Классическай безены оҥорорго аҕыйах ингредиент наада, ол гынан баран бириэмэтэ уһун буолар – меренга духуопкаҕа өр куурар. Оттон безены түргэнник астыахха наада буоллаҕына, микроволновка көмөҕө кэлэр!
Бу ырысыап олус судургу. Бастакытынан, сымыыт үрүҥүн миксердыыр наадата суох; иккиһинэн, микроволновкаҕа 2 мүнүүтэ туруордуҥ да – салгын курдук чэпчэки, кураанах саахар «былыттар» бэлэм буолаллар; оттон үсүһүнэн, безелар олус минньигэс уонна састаабынан саахардаах баатаны санатар буолан тахсаллар! Бюджетнай, судургу уонна ураты!
Туох нааданый?
Саахар пудратыгар сымыыт үрүҥүн уонна лимон суогун кутуҥ. Саахар пудратын сымыыт үрүҥүн уонна лимон суогун кытта кыратык буккуйуҥ. Өскөтүн безе өҥнөөх буолуон баҕарар буоллаххытына, бу кэмҥэ икки хааппыла аска туттуллар кыраасканы эбиҥ. Онтон маҥнай ньуосканан, кэлин илиигитинэн саахардаах массаны кондитерскай мастика курдук буолуор диэри мэһийиҥ. Бу масса консистенциятынан сымнаҕас пластилины санатыа уонна мээчик форманы чэпчэкитик тутуо. Бу массаны кыра мээчиктэргэ араарыҥ.
Мээчиктэри микроволновкаҕа туттарга сөптөөх иһиттэргэ (таас эбэтэр керамика, көмүс ойуута уонна тимир элеменнэрэ суох) уурталааҥ. Кексэҕэ аналлаах силикон иһиттэри эмиэ туһаныахха сөп. Олох көннөрү чааскылар да сөп түбэһиэхтэрэ, ол гынан баран иһити таларга, безе буһарыллар кэмигэр кээмэйэ улаатарын уонна ханнык иһиккэ буспутунан ол форманы ыларын умнумаҥ.
Безены 800 W кыамталаах микроволновкаҕа 2 мүнүүтэ кэриҥэ буһарыҥ. Масса наһаа улаатар буолан, безелар формалара аккуратнай буоларын курдук, 10-12 мээчиккэ араарыахха сөп эбит. Бэлэм безены сэрэнэн (наһаа тостумтуо буолар) иһиттэртэн таһааран тэриэлкэҕэ ууруҥ. Микроволновкаҕа түргэн безе бэлэм. Минньигэстик аһааҥ!
Саха сирин сүүмэрдэммит хамаандатын тустууга күрэсчитэ Күндүл Местников Хабаровскайга алтынньы 15-17 күннэригэр ыытыллыбыт «Ерофей Хабаров»…
“Кэлэр кыһын хаһааҥҥытааҕар даҕаны тымныы буолар үһү” диэн кэпсэтии кэлин үксээтэ. Хайдах кыһын кэлиэҕин айылҕа,…
Нерюнгри улууһугар алтынньы 17 күнүгэр 18:51 чааска сир хамсааһына бэлиэтэннэ. Бу туһунан РФ НА Биир…
Алтынньы ый — хаппыыстаны кыһын устата харайыан баҕалаах дьоҥҥо саамай суолталаах кэм. Бүгүн олус минньигэс…
Саха сирин сүүмэрдэммит хамаандатын тустууга Күндүл Местников Хабаровскайга алтынньы 15-17 күннэригэр эр дьоҥҥо ыытыллыбыт «Ерофей…
Дьыл кэмин уларыйыытыгар быыһааччылар көмөлөрө дьоҥҥо эрэ буолбакка, кыылларга-сүөллэргэ эмиэ ирдэнэр. Ленскэй улууһугар Саха сиринээҕи…