СҮБЭҺИТ: Норуот сомоҕолоһуутун күнүгэр тугу астыахха сөбүй?

Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх. Арассыыйа төһө да киэҥ-куоҥ, араас омук олордор, биһигини барыбытын минньигэс уонна доруобай аска таптал сомоҕолуур. Бүгүн биһиги дьиэ кэргэҥҥитигэр анаан олус минньигэс хаппыысталаах бөрүөк ырысыабынан үллэстэбит.

Бөрүөккэ туох ирдэнэрий: Үрүҥ хаппыыста – 500 г (кыра гына кырбанар), куурусса сымыыта – 4 уст., сиидэлэммит бурдук – 6 остолобуой ньуоска,  майаныас – 300 г, туус – 1 ч.нь.,  саахар – 1 ост. нь., разрыхлитель – 7 г (1 паачка), мас арыыта – буһарар иһити соторго.

Оҥоһуллар ньымата:

Астары бэлэмнээһин. Бастаан астарбытын барытын бэлэмниибит. 2. Бөрүөк иһэ. Бөрүөк иһин ураты болҕомтолоохтук бэлэмниибит: кыра гына кырбаммыт хаппыыстабытын илиибитинэн имэрийэбит, оччоҕо бөрүөкпүт  сүмэһиннээх буолуоҕа. Мас арыытынан сотуллубут 20×25 см кээмэйдээх буһарар иһиккэ  хаппыыстабытын тэҥ гына кутабыт. 3. Тиэстэни оҥоруу. Кутар тиэстэни оҥорор олус судургу: блендер көмөтүнэн майаныаһы, тууһу, саахары, сымыыты биир маасса буолуор диэри булкуйабыт. Онтон сиидэлэммит бурдугу уонна разрыхлители холбоон, булкуйабыт. Тиэстэбит бэлэм. 4. Бөрүөгү хомуйуу. Иһиппитигэр хаппыыста үрдүгэр бэлэм тиэстэбитин сэрэнэн кутабыт уонна наада буоллаҕына, кулинарнай лаппаахынан тэҥниибит. Тиэстэ хаппыыстаны толору бүрүйүөхтээх. 5. Буһарыы. Духуопкабытын 180 кыраадыска диэри ититэбит уонна бөрүөкпүтүн саһара буһуор диэри 30-40 мүнүүтэҕэ угабыт. Бөрүөк буспутун мас уһуктаах паалачканан анньан көрөн бэрэбиэркэлиэххэ сөп. Минньигэстик аһааҥ!