Сүбэһит: Оҕолору оонньото үөрэтиэҕиҥ

Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун оҕолору эт-хаан, өй-мэйии өттүнэн олус сайыннарар. Маннык оонньууларга кэлэктиибинэн сылдьарга, атын оҕолордуун уопсай тылы буларга, доҕордоһорго үөрэнэллэр. Онон оҕолоргутун умнуллубут оонньуулары тэрийэн, оонньото сатааҥ.

Тэлээрик

Икки хос сыһыарыллыбыт хортуонтан, эбэтэр, туостан 20-25 см иэннээх төгүрүк диискэни оҥороллор, оһуордууллар.

Оҕолор икки хамаандаҕа арахсаллар. Төгүрүгү үөһэ быраҕаллар, ол кэмҥэ биир хамаанда киһитэ мээчигинэн быраҕар. Таптаҕына, биир очукуо ааҕыллар. Элбэх очукуону ылбыт хамаанда кыайар.

Бу оонньуу оҕо хамсаныыта чуолкай буоларыгар, таба быраҕа үөрэнэригэр туһалаах. Былыр  оҕолор туос төгүрүгү ох саанан, чаачар саанан ытыалаан, эрчиллэллэрэ.

Мээчиги бырахсыы

Оҕолор икки хамаандаҕа арахсан, тус-туспа устуруойдаан, утарыта тураллар. Кытыы турар киһи утары турар киһиэхэ мээчиги быраҕар. Мээчиги туппут киһи эмиэ утары турар атын киһиэхэ быраҕар. Ол курдук бэрээдэгинэн хардарыта бырахсаллар.

Мээчиги кыайан хаппатах киһи атын хамаандаҕа билиэҥҥэ барар. Онон элбэх киһилэммит хамаанда кыайар.

«Детские подвижные игры народов СССР» кинигэттэн.