Хаартыска: куйаар аһаҕас ситимиттэн
Үүнээйилэргитин доруоһа көөнньөһүгүнэн ыстара сылдьыҥ, оччоҕо помидоргут, оҕурсугут тугунан да ыалдьыахтара суоҕа. Үүнээйилэргит тута үүнүүтэ эбиллиэҕэ, түргэнник сибэккилэниэ уонна аһын өлгөмнүк биэриэ.
3 лиитэрэ ууну 38°С диэри сылытабыт (онтон үөһэ буолуо суохтаах, доруоһа өлөн хаалыа). Онно 10 остолобуой ньуоска саахары уонна 10 гр кураанах доруоһа паачкатын суурайабыт.
Иһиккитин 3 лиитэрэттэн улаханы ылыҥ, тоҕо диэтэр доруоһа үллэн, көбөн тахсыа, кээмэйэ 2-2,5 төгүл улаатыа. Доруоһаны 6-8 чаас устата көөнньөрө уурабыт, кэмиттэн кэмигэр булкуйан биэрэбит.
Бу эбии аһатыыны сарсыарда оҥорор ордук, киэһэ куйаас түспүтүн кэннэ ыстарар тэриллээх оҕуруокка тахсарга табыгастаах.
Доруоһа көөнньөн бүтээтин кытта, биэдэрэҕэ 7 лиитэрэ уу кутабыт уонна онно 3 лиитэрэлээх доруоһа көөнньөһүкпүтүн эбэбит. Бу курдук суураллыбытынан ууну ханнык баҕарар оҕуруот аһын аһатан кутуохха сөп.
Оҕурсуну – 10-12 хонукка биирдэ, оттон помидору уонна атын оҕуруот астарын 15 хонукка биирдэ хас биирдии умнаһын анныгар биирдии лиитэрэлээх бааҥканан кутан биэрэбит. Оччоҕо үүнээйигэ туһалаах доруоһа тэллэйдэрэ олохсуйан, буортулаах микроорганизмнары суох оҥороллор.
Помидоргутун, оҕурсугутун икки нэдиэлэ арыттаан доруоһанан аһатар буоллаххытына үүнээйилэргит ыалдьыахтара суоҕа, фитофтороз диэн тугун умнуоххут. Үүнээйи сэбирдэҕэ чаҕылхай от күөх өҥнөнөн, доруобай туруктанан, бэйэтэ түргэнник улаатан, сибэккитэ хойдон, аһа элбээн барар.
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…
"Пятница" теле-ханаалга Саха сириттэн эдэр асчыт Владимир Герасимов «Молодые ножи. Новая кровь 2 сезон» биэриигэ…
Владивосток куоракка боксаҕа Уһук Илин бастыыр иһин күрэхтэһии уонна чөмпүйэнээт саҕаланна. Күрэхтэһиигэ эрэгийиэннээҕи хамаандалартан кыргыттар,…
2025 сыллаахха Саха сиригэр уһулуччулаах учуонай уонна уопсастыбаннай диэйэтэл Анатолий Попов өрөспүүбүлүкэ экэниэмикэтин уонна билимин…
СӨ инновацияҕа, сыыппара сайдыытыгар уонна инфокоммуникационнай технологияларга миниистирэ Петр Николаев байыаннай дьайыы бэтэрээнэ, “Саха сирэ…