СҮБЭҺИТ: Мас күлүн оҕуруокка туһаныы кистэлэҥнэрэ

Кутаа уот кэниттэн хаалбыт эбэтэр оһоххо мунньуллубут мас күлүн оҕуруот аһыгар баай туһалааҕынан биллэр. Үүнээйигэ наадалаах кальций, калий, фосфор, магний уонна да атын микроэлеменнэрдээх. Ол эрээри, оҕуруот аһыгар барытыгар сөп түбэспэт. Бу туһунан уопуттаах оҕуруотчуттар сүбэлииллэр.

Мас күлүттэн суурадаһыны оҥорорго биири бэлиэтиир наадалаах — азоттаах уоҕурдуулары кытта булкуйуллубат. Хас биирдии уоҕурдуу туспа туһалаах көдьүүһүн намтатар кыахтаах.

Сөпкө туһанабыт:

1. Кураанахтыы кутабыт — үүнээйилэргэ кураанахтыы буорга олордор кэммитигэр кутабыт. Квадратнай миэтэрэҕэ биир ыстакаан күл.
2. Суурадаһын оҥоробут — 2 ыстакаан мас күлүн 10 лиитирэ итии ууга суурайабыт уонна суукка устата хоннорон баран туһанабыт.
3. Үөнү-көйүүрү утары ыһабыт — үүннээйи сэбирдэхтэригэр күлү ыһабыт, оччотугар үөнтэн-көйүүртэн харыстыырга көмөлөһөр.

Ханнык үүнээйилэргэ табыгастааҕый?

• — Томат, биэрэс, баклажан — ыарыылартан көмүскүүр, силиһин бөҕөргөтөр, амтанын тупсарар;
• — Хаппыыста — үөнтэн-көйүүртэн охсуһарга туһалыыр;
• — Чосуонук уонна луук — ыарыылартан харыстыыр уонна амтанын тупсарар;
• — Моркуоп уонна сүбүөкүлэ — кирээдэ икки ардыларыгар кутабыт, оччотугар саахарын элбэтэр;
• — Моонньоҕон, хаптаҕас, биэ эмиийэ — элбэх сибэккилэнэр уонна өлгөм үүнүүнү биэрэр;
• — Клубника — силиһин бөҕөргөтөр, үөнтэн-көйүүртэн харыстыыр.

Күлү туһанар табыллыбат:

• — Хортуоппуй — силиһин алдьатар, ыарытыйар;
• — Сугун, отон, рододендрон — бу култууралар аһыы буору сөбүлүүллэр. Ол иһин күл төттөрүтүн үүнээйини өлөрөр кутталлаах;
• — Тиит, бэс мастар  — мастар аһыы буору сөбүлүүллэр. Күл суурадаһына мас силиһин буортулуур дьайыылаах;
• — Гортензия, азалия сибэккилэр — бу сибэккилэр эмиэ аһыы буору сөбүлүүллэр, онон күл суурадыһына кутуллубат.