СҮБЭҺИТ: Оҕуруотчуттар кистэлэҥнэриттэн…

Ханнык баҕарар үүнээйи температура уларыйыытыттан, хаһыҥтан, олордор миэстэтин көһөрдөххө истириэстиир, уоҕурдууну ирдиир, маныаха биопрепараттары туһаналлар.

Тус бэйэм биири соһуйа иһиттим – арассааданы таһырдьа таһаарыах 3-5 хонук иннинэ Эпининэн ыстаран баран олортоххо салгын уларыйыытын, хаһыҥы даҕаны тулуйумтуо буолар эбит.

“Ардыгар хаһыҥҥа ылларбыт үүнээйилэргэ Циркон диэн биопрепарат көмөлөһөр кыахтаах. Кини чөлүгэр түһэрэр күүстээх”, – диэн АГАТУ ойуур комплексын уонна сири оҥорууга факультетын агрономия уонна химия кафедратын старшай преподавателэ Мария Лукина оҕуруотчуттар биир кистэлэҥнэриттэн үллэстэр.

«Саха сирэ» 2023 с. ыам ыйынааҕы архыыбыттан. «АГАТУ-га арассаада арааһа».