СҮБЭҺИТ. “Оливье” салаат үс араас көрүҥэ

Саҥа дьыллааҕы остуолга ханнык баҕарар ыалга хайаатар да үс бородуукта баар буолуохтаах: шампанскай, мандарин уонна “Оливье” салаат. Бу бородуукталара суох Арассыыйа сүрүн бырааһынньыга  сөпкө тэриллибэтэх кэриэтэ ааҕыллар.  

Билигин улахан таас муҥунан “Оливье” салаат оҥорон кими да соһуппаккын, онон буолаары турар Саҥа дьылга салаат 3 араас көрүҥүн ырысыабынан оҥороргутугар сүбэлиибит.

«Новый русский» салаат

Бу ырысыап Саҥа дьыллааҕы үгэһи тутуһааччыларга, ол эрэн саҥаны амсайыахтарын баҕалаахтарга ананар.

Ырысыабынан ирдэнэр: ууга буспут хортуоппуй — 4-5 уст., 1 кыра сибиинньэ тыла, куурусса этэ — 150 гр., ууга буспут перепелинай сымыыт — 20 уст., «Краб этэ» кэнсиэрбэ — 1 бааҥка, сибиэһэй оҕурсу — 3 уст., маринованнай оҕурсуу — 3 уст., буспут моркуоп — 1 уст., кэнсиэрбэлэммит күөх горох — 1 бааҥка, майонез,  укуруоп.

Эти, сымыыттары уонна оҕуруот аһын бытархай гына кырбастыыбыт, гороҕу кытта булкуйабыт, туус кутабыт уонна майонезтыыбыт.

 “Тотоойу оливье”

Салаат ханнык баҕарар көрүҥэ элбэх калорийдаах буолар, ол гынан баран Саҥа дьыллааҕы остуолга өссө эбии “Тотоойу оливье” көрүҥүн эмиэ астыахха сөп .

Ырысыабынан ирдэнэр:: спагетти -150 гр., ууга буспут куурусса этэ эбэтэр ынах этэ — 100 гр., сыыр — 100 гр., тууһаммыт оҕурсуу (эбэтэр күөх дьаабылыка) — 1 уст., помидуор — 2 уст., ууга  буспут сымыыт — 2 уст., майонез (эбэтэр сүөгэй) — 1 ост.нь., күөх укуруоп эбэтэр петрушка.

Туустаах ууга спагетти буһарабыт, уутун сүүрдэбит уонна сойутабыт, 1-1,5 см уһуннаах гына кырбастыыбыт. Эти, оҕурсууну, помидуору уонна сымыыты кубиктыы бысталыыбыт, сыыры теркалыыбыт. Бары бородуукталары ыстакаан майонеһынан эбэтэр сүөгэйинэн булкуйабыт.

“Антикризиснай оливье”

“Оливье” салаат, биллэн турар, саамай элбэх бородууктаны эрэйэр. Ол эрэн аҕыйах, чэпчэки сыаналаах бородуукталарынан астаан күндүлүөххэ сөп.

Ырысыабынан ирдэнэр: ууга буспут хортуоппуй — 2 уст., сарделька (эбэтэр сосиска) — 2-3 уст., кэнсиэрбэлэммит үрүҥ фасоль — 0,5 ыстакаан, буспут моркуоп — 1 уст., тууһаммыт оҕурсуу — 1 уст., ууга буспут сымыыт — 2 уст., майонез, баҕа өттүнэн күөх петрушка.

Сосисканы, эти, хортуоппуйу, моркуобу, оҕурсууну, сымыыты кыра гына кырбастыыбыт, ол кэннэ майонез кутан булкуйабыт, күөх петрушканан киэргэтэбит.

Саҥа дьыллааҕы остуолга “Оливье” салаат хайдах баар буолбутай?

Бу салаат устуоруйата Москваҕа 1860-с сыллартан саҕаланар. Француз төрүттээх, Москваҕа төрөөбүт-үөскээбит Люсьен Оливье диэн повар баай атыыһыт Яков Пеговы кытары Трубнай болуоссакка “Эрмитаж” диэн эрэстэрээни арыйбыттар. “Оливье” салаат бастакы көрүҥэ билиҥҥи ырысыабыттан букатын атын этэ – “Майонез из дичи” диэн ааттааҕа. Састаабыгар бочугурас (рябчик), араак моонньо, хара искэх, хортуоска, сымыыт, корнишон оҕурсу уонна салаат сэбирдэҕэ баара.

“Оливье” салаат кистэлэҥэ