Хаартыска: Саха сирэ
Кабачкилаах, отонноох барыанньа
Дьыл баччатыгар, араас салаат кэнниттэн оҕуруотчуттарга үгүстэригэр биир-икки кабачки хаалан сытар буолар. Онон отонноох, кабачкилаах барыанньата оҥостон боруобалааҥ.
Хайдах бэлэмниибит: 1 киилэ кабачкины хахтаан, сиэмэтин ылан түөрт муннуктуу гына кырбыыллар. 300-400 кыраам отону кытта кабачогу миискэҕэ кутуллар, 1,5 киилэ саахар, кыра уу эбиллэр уонна кичэйэн булкуйуллар. Оргуйбутун кэннэ чаас курдук кыра уокка булкуйа-булкуйа тэптэрэн ылыллар.
Битэмииннээх барыанньа
Отону буһардахха туох баар битэмиинэ сүтэр. Маны билэр дьон барыанньалыырга, утах да оҥорорго отону буһара сатаабаттар.
Хайдах бэлэмниибит: барыанньалыылларыгар отону ньыһыйан, мясорубкаҕа, блендергэ эрийтэрэн баран отонунааҕар икки төгүл элбэх саахар кутан уһуннук булкуйаллар.
Онтон утах оҥороллоругар ууну оргутан, сойутан баран ол үрдүгэр ньыһыйыллыбыт отону куталлар. Буспатах отонтон барыанньа, утах букатын атын амтаннаах буолар, боруобалаан көрөөрүҥ эрэ.
Апельсиннаах барыанньа
Аныгы хаһаайкалар отоҥҥо ханнык баҕарар атын отону, фруктаны кутан ураты амтаннаах барыанньа буһараллар. Үгүстэр биэ эмийин ордороллор, атыттар дьаабылакалаан барыанньалыыллар. Апельсин эмиэ ураты амтаны биэрэр.
Хайдах бэлэмниибит: киилэ аҥаара отону блендэрдииллэр. 2 устуука апельсины сууйан баран, чап-чараас гына хаҕын (цедра) теркалыыллар. Атын иһиккэ апельсин уутун ыган ылан (маҥана туһаныллыбат) теркаламмыт хаҕы кутан булкуйаллар. Отоҥҥо киилэ аҥаара саахар эбэн баран оргута уураллар. Оргуйаатын кытта апельсин уутун куталлар уонна кыра уокка 20-чэ мүнүүтэ булкуйа-булкуйа тэптэрэн ылаллар.
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…
РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда. Тэрээһин "Россия — семья…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…