СҮБЭҺИТ: Помидор өлгөм үүнүүтүн кистэлэҥэ

Помидор эбэтэр томат өлгөм үүнүүтүн хомуйарга оҕуруотчуттар сүбэлэрэ куйаар ситимигэр арааһа да, көрүҥэ да элбэх. Ол иһигэр уопуттаах эспиэрдэр суруйалларынан, томат эбэтэр помидор өлгөм үүнүүтүн ыларга сүрүн кистэлэҥэ аһатыытыгар сытар диэн суруйаллар. Бу тэттик туһалаах сүбэни тускутугар туһаныҥ.

Бастакытынан, буорга олордуон иннинэ 1 ыстакаан ноһуому, 1 ч.нь. күлү, эриэппэ луук хатарыллыбыт хаҕын уонна 1-2 ч.нь. сымыыт хаҕын (сибиэһэй ноһуом кутуллубат) кутабыт.

Иккиһинэн, бастакы аһатыыны помидор буорга олорордуллубутун икки нэдиэлэ ааспытын кэннэ (14-16 хонук) фосфордаах уоҕурдуунан аһатабыт. Холобур, суперфосфат, аммофос, диаммофос о.д.а. Фосфордаах уоҕурдуу 20 г уон лиитирэ сылаас ууга суурайабыт. Хас биирдии укка 1-1,5 лиитирэ уоҕурдуулаах суурадаһыны кутабыт.

Үсүһүнэн, бастакы аһатыы кэннэ  уоҕурдуулартан талан, кыралаан 15 г монофосфат калия эбэтэр
7 г магниевай сульфат ууга суурайан кутабыт.