СҮБЭҺИТ: «Рататуй» бүлүүдэни астыыбыт

«Рататуй» диэн оҕуруот аһыттан бүлүүдэни Францияҕа сөбүлээн астыыллар. Оннук ааттаах ойуулугу өйдүүгүт? Дьэ, хайдах буһараллар эбитий? 

20 г үүнээйи арыыта, 1 кыра луук, чеснок өлүүскэтэ, 300 г баклажан, 200 г помидор, 300 г тыыкыба, 50 г күөх биэрэс, туус, мэлиллибит хара биэрэс, розмарин, базилик, майоран, петрушка, 50 г уу.

Сырдьыгыныы турар арыылаах хобордооххо луугу кырбастаан ыһаарылыыбыт. Баклажаннары, хаҕа ыраастамматах тыыкыбаны улахан куһуок гына бысталыыбыт, атын оҕоурот астарын солуома курдук кырбыыбыт. Кыратык уу кутан баран, бу маны барытын хаппахтаах иһиккэ 10 мүнүүтэ бүскүтэн буһарабыт (тушение). Туустуубут, биэрэстиибит, кымаах розмарины, майораны, петрушканы кутабыт.

Аҕыйахтык булкуйан ыла-ыла чаас курдук буһарабыт. Онтон помидор өлүүскэлэрин, чесногу кутабыт.

«Рататуй» сокууска, эбэтэр, иккис бүлүүдэ курдук остуолга ууруллуон сөп. Эккэ гарнир курдук ууруохха сөп. Сымыыт омлетыгар начыыҥка курдук эмиэ сиэххэ сөп. Бу олус минньигэс бүлүүдэ буолар.

«Домашняя энциклопедия. Питание — здоровье» кинигэттэн.