Сүбэһит: Сальтисону оҥоробут
Сальтисон диэн Чехияҕа, Польшаҕа, Белоруссияҕа, Венгрияҕа былыр-былыргыттан тарҕаммыт ас, халбаһы көрүҥэ. Ис буотараҕы, сүөһү, сибиинньэ уорганнарын (бүөрүн, сүрэҕин, тыҥатын, сыатын, төбө этин) кырбаан, туустаан-тумалаан баран, халбаһы курдук көрүҥнээн, эбэтэр, оһоҕоско, куртахха уган, ууга буһараллара. Ол эрээри, судургутук эмиэ буһарыахха сөп эбит.
Куурусса этиттэн түргэн сальтисон
400 гр куурусса этин, 2 өлүүскэ чесногу бытархай гына кырбаан баран, 15 гр суураллыбатах желатины, тууһу, туманы, хара биэрэһи эбэн, буһарар салаппааҥҥа (рукав) уган, халбаһы курдук быһыылаан баран, икки өттүттэн баайабыт.
Уулаах көстүрүүлэҕэ уган, 1 чаас устата буһарабыт. Хостоон баран, сойутаат, халадыынньыкка угабыт. Салапаантан хостоон баран, бысталыыбыт, күөх отунан киэргэтэбит.
Сообщить об опечатке
Текст, который будет отправлен нашим редакторам: