Хаартыска: ru.freepik.com
Харыйа – Саҥа дьыллааҕы бырааһынньыктарга дьиэ сүрүн киэргэлэ. 2026 сылга ситиһиини тардар туһугар харыйаны ханнык өҥнөрүнэн киэргэтэр сөбүн уонна билигин ханнык киэргэтии истиилэ муодаҕа киирбитин сырдатабыт.
Кэлэр сыл Уоттаах Кыһыл Ат бэлиэтинэн кэлэр. Кини эрчими, ситиһиигэ дьулууру уонна тутулуга суох буолууну кэрэһилиир. 2026 сылга биһигини уларыйыылар, түргэн быһаарыныылар уонна иэйиилээх-куойуулаах түгэннэр күүтэллэр. Ситиһиини тардар инниттэн, харыйаны кыһыл көмүс, кыһыл уонна от күөҕэ өҥнөөх оонньуурдарынан киэргэтэр ордук. Бу чаҕылхай өҥнөр көхтөөх дьайыыларга дьулууру кэрэһилииллэр, онон сыл бэлиэтигэр сөбүлүөхтэрэ уонна дьиэни тупсарыахтара.
Кэлэр сыл сүрүн өҥө – чаҕылхай кыһыл. Бу – эрчим, иэйии уонна өрө туруу бэлиэтэ. Үгэс буолбут Саҥа дьыллааҕы өҥ харыйа күөх мутукчаларыгар олус кэрэтик дьүөрэлэһэр. Биир эрэ өҥүнэнтуһанан, харыйаны кыһыл эрэ оонньуурдарынан киэргэтиэххэ сөп, ол эрээри атын өҥнөрү эбэн биэриэххэ эмиэ сөп. «2026 сылга харыйаны хайдах киэргэтэбин, ханнык өҥү талыбын?» диэн толкуйдуур буоллаххына, чаҕылхай кыһыл уонна пурпурнай өҥнөрү туттарга сүбэлэнэр. Кыһыл өҥ кыһыл көмүһү, үрүҥү уонна от күөҕү кытта олус үчүгэйдик дьүөрэлэһэр.
Илин халандаарынан от күөҕэ өҥ дьүөрэлэһиини уонна чэчирии сайдыыны бэлиэтиир. Айылҕаҕа чугас өҥнөрүнэн харыйаны киэргэтиигэ табыгастаах. От күөҕэ уонна хоҥор өҥнөөх оонньуурдар харыйа күөх лабааларыгар олус кэрэтик көстөллөр. Киэргэллэр ордук кэрэхсэбиллээхтик көстөллөрүн туһугар, араас фактураларынан оонньоо. Оонньуурдар кылбачыгас, матовай, ойуулаах-бичиктээх да буолуохтарын сөп. Хоҥор өҥнөөх туорахтар уонна үрүҥ чүмэчилэр композицияны ситэрэн-хоторон биэриэхтэрэ.
Кыһыл көмүс өҥ баайы-дуолу, үөрүүнү-көтүүнү уонна олох эрчимин кэрэһилиир. Күннээҕи өҥ дэлэй-холку олох эрчимин аҕалар. 2026 сыллааҕы Ат сылыгар харыйаны хайдах киэргэтэр туһунан этэр буоллахха, күннээҕи уонна кыһыл көмүстүҥү өҥнөрү эбэргэ сүбэлэнэрэ. Биир өҥүнэн киэргэтэн, харыйаны кыһыл көмүс эрэ оонньуурдарынан симиэххэ сөп. Кыһыл көмүс саптардаах гирляндалар уонна дождик олус кэрэтик көстөллөр. Электрогирлянда тырымныыр уоттара кылбачыйар көстүүтүн өссө күүһүрдүөхтэрэ. Кыһыл көмүс киэргэли атын өҥнөрүнэн – үрүҥүнэн, от күөҕүнэн уонна кыһылынан эбэн биэриэххэ сөп.
Алдаҥҥа сэтинньи 24 күнүгэр, баскыһыанньа киэһэ, массыына көлүөһэтигэр 14 саастаах уол оҕо киирэн биэрбит. Саха…
Дьокуускайга 2-с №-дээх куораттааҕы балыыһа SMART-поликлиникатын үөрүүлээх аһыллыыта буолла. Гагарин уокуругар баар саҥа мэдиссиинэ киинэ…
«Сыыппара алмааһа» пуорум дьиҥнээх саха кыһынын кытта билсэргэ уонна саҥа технологиялар киинигэр киирэргэ кыаҕы биэрэр.…
Саха тустуутун оскуолатын уон биэс иитиллээччитэ успуорт маастара, Ил Түмэн норуот дьокутаата Александр Крылов кэриэһигэр…
Бүгүн, сэтинньи 24 күнүгэр, «Кыһын Саха сириттэн саҕаланар» өрөспүүбүлүкэтээҕи бэстибээл чэрчитинэн Орджоникидзе болуоссакка «Саха сирин…
Ил Түмэҥҥэ Бүддьүөккэ, үпкэ, нолуок уонна сыана бэлиитикэтигэр, бас билии уонна приватизация боппуруостарыгар сис кэмитиэт…