СҮБЭҺИТ: Саҥа дьылга тугу бэлэхтиибит?

Саҥа дьыл бырааһынньыга – бу ураты аптаах, алыптаах уонна, биллэн турар, бэлэх тутар уонна туттарар кэмэ. Саҥа дьылга доҕотторбутугар тугу бэлэхтиибит?

Хас биирдии киһи сыл ахсын бырааһынньыкка 5-10 чаас анаан туран аймахтарыгар, доҕотторугар анаан ураты бэлэҕи көрдүүр. Маннык тэрээһини киһи барыта сөбүлээбэт. Онон бу буолаары турар  Саҥа дьылга бэлэх оҥорорго араас ураты идиэйэлэри хомуйдубут.

1. Кэнсиэргэ эбэтэр испиктээккэ билет. Тапталлаах артыыс эбэтэр тыйаатыр туруоруутунан босхо билет ураты бэлэҕинэн буолуоҕа, ону тэҥэ умнуллубат өйдөбүлү үөскэтиэҕэ. Ханна булуохха сөбүй: билиэти култуура тэрилтэлэрин саайтыгар эбэтэр туһааннах мобильнай сыһыарыылар нөҥүө атыылаһыахха сөп: 1500-тэн 10000 солк. диэри артыыһыттан уонна миэстэтиттэн көрөн араастыыр.
2. «Өйдөөх чаһыы». Чаһыы доруобуйаны кэтээн көрөргө, муусука истэр дьоҥҥо идеальнай бэлэх. Ханна булуохха сөбүй: улахан маҕаһыыннарга, ону тэҥэ маркетплейстарга атыылаһыахха сөп. Сыаната: 2000-тан 50 000 солк. диэри.
3. Айар талаан набора. Айар талаан наборун чугас дьоҥҥут иистэнэринэн умсугуйар, баайар, уруһуйдуур эбэтэр киэргэллэри оҥорор буоллахтарына бэлэхтээҥ. Ханна булуохха сөбүй: кинигэ маҕаһыыннарыгар, маркетплейстарга атыылаһыахха сөп. Сыаната: 1000- тан 3000 солк. диэри.
4. Интэриэһинэй уруһуйдаах курууска. Арааһынай уруһуйдаах эбэтэр суруктаах куруускалар сарсыарда ахсын кофе эбэтэр чэй иһэргэ уйулҕаны үрдэтиэхтэрэ. Ханна булуохха сөбүй: бэйэҥ уруһуйу талан ылан сакааһынан оҥотторуоххун сөп, эбэтэр маркетплейстарга, иһит уонна бэлэх маҕаһыыннарыгар атыылаһыахха сөп. Сыаната: 500- тэн 1000 солк. диэри.
5. Остуол оонньуута. Остуол оонньуута дьиэ кэргэни уонна доҕоттору кытта бииргэ бириэмэни атаарарга ураты бэлэх. Туох эрэ саҥаны, интэриэһинэйи көрдөөн талыҥ. Ханна булабыт: остуол оонньууларын анал маҕаһыыннарга эбэтэр онлайн маркетплейстарга сакаастаан атыылаһыахха сөп. Сыаната: 1500-тан 5000 солк. диэри.
6. Маастар-кылааска сэртипикээт. Бу саҥа аһы-үөлү астыырга билиини хаҥатыы эрэ буолбакка, доҕоттору эбэтэр дьиэ кэргэни кытта бириэмэни атаарыыга олус үчүгэй уонна интэриэһинэй бэлэх. Ханна булуохха сөбүй: маастар-кылаастар сэртипикээттэри олохтоох ас-үөл буһарар оскуолаларынан атыылыыллар эбэтэр анал платформаҕа булуохха сөп. Сыаната: 3000-тан 7000 солк. диэри.
7. «Өйдөөх колонка». Бу тэрил дьиэҕэ-уокка солбуллубат көмөлөһөөччүнэн буолуоҕа. «Өйдөөх колонка» муусука тыаһатыан, ыйытыыларга хоруйдуон уонна бэлиэ күнү санатар кыахтаах көмөлөһөөччү буолуон сөп. Ханна булуохха сөбүй: улахан маҕаһыыннарга уонна маркетплейстарга. Сыаната: 4000-тан 10 000 солк. буолар.
8. Косметика набора. Маннык бэлэх эһиги чугас дьоҥҥутугар уһун үлэ күннэрин кэнниттэн сынньанарга көмөлөһүөҕэ. Ханна булуохха сөбүй: набордар косметиканы маҕаһыыннарынан, маркетплейстарынан атыыланар. Сыаната: 1500-тан 5000 солк. диэри.
9. Робот-пылесос. Робот-пылесос дьиэ-уот хомуйарга солбуллубат көмөлөһөөччүнэн буолуоҕа. Билиҥҥи моделлар сууйар, сотор үлэни эмиэ оҥороллор. Ханна булуохха сөбүй: бытовой тиэхиньикэ маҕаһыыннарынан, маркетплейстарынан атыыланар. Сыаната: 5000-тан 20000 солк. диэри.
10. Проектор. Саҥа дьыл бырааһынньыктарын кэмигэр киинэлэри уонна сериаллары көрөн атаарар  дьоҥҥо олус табыгастаах бэлэх.  Ханна булуохха сөбүй: бытовой тиэхиньикэ маҕаһыыннарынан, маркетплейстарынан атыыланар. Сыаната: 3000-тан 10000 солк. диэри.