Сүбэһит: Сэбиэскэй кэм мииннэрин буһарыҥ

Сэбиэскэй кэмҥэ остолобуойдарга, оҕо саадтарыгар, балыыһаларга судургу эрээри, олус минньигэс, ураты мииннэри буһаралларын аҕам саастаах дьон өйдүүллэрэ буолуо. Ырысыаптары ГОСТ бигэргэтэн, кыраамын ааҕан-суоттаан оҥороллоро. Оннук ураты мииннэри урукку ырысыабынан астаан, дьиэ кэргэҥҥитин күндүлээҥ.

Үүттээх миин

80 г рис, 400 г үүт, 100 г уу, 5 г ынах арыыта, 3 г саахар, туус.

Сууйуллубут риһи куурдан баран, блендергэ, эбэтэр, кофемолкаҕа илдьиритэбит. Оргуйа турар кыра уулаах көстүрүүлэҕэ риһи кутан баран, 2-3 мүнүүтэ буһара түһэбит. Онтон үрдүгэр итии үүтү кутан баран, буһарабыт.

Буһан бүтэн эрдэҕинэ, 1 сымыыты үүккэ холбоон баран, мииҥҥэ булкуйа-булкуйа кутабыт, саахары, тууһу эбэбит. Остуолга ууруох иннинэ 2 ост.нь. моркуоп суогун кутуохха сөп.

Көтөр этиттэн пюре-миин

145 г куурусса этэ, 25 г рис, 14 г ынах арыыта, 150 г үүт, 1/2 сымыыт, 300 г уу, туус.

Куурусса буспут этин тириититтэн, иҥиириттэн ыраастаан баран, эт эрийэринэн (мясорубка) үс төгүл эрийтэрэбит. Фаршка кыратык уу кутан баран, илиибитинэн салгыы илдьиритэбит. Сууйуллубут рис ысмныар диэри өр буһарабыт, түөркэ нөҥүө илдьиритэн баран, эт пюретын кытта булкуйабыт. Онтон итии үүтү кутан баран, буһарабыт. Оргуйа түспүтүн кэннэ, сымыыты үүккэ булкуйан кутабыт, арыыны, тууһу эбэбит.

Уу оннугар бульону туһаныахха сөп.

«Домашняя энциклопедия. Питание — здоровье», 1983 с.