СҮБЭҺИТ: «Саҕынньахтаах селедка» салааты чыырынан астыаҕыҥ

Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха балыгынан – тууһаммыт чыырынан солбуйар ураты кистэлэҥин арыйда. Бу саҥа ньыма остуолга сахалыы тыыны киллэрэр уонна ас амтанын байытар сыаллаах оҥоһулунна.

Дьон-сэргэ сөбүлээн астыыр салаатын саҥалыы көрүүтүн кытта эрэстэрээн шеф-пуобара үллэһиннэ. Кини этэринэн, балыгы тууһаммыт чыырынан солбуйуу ас амтанын сымнатар уонна ордук нарын оҥорор.

«Биһиги бары «Саҕынньахтаах селедка» салакка үөрэммит дьоммут, ол эрээри сороҕор селедка балык аһара туустаах эбэтэр сыалаах буолан биэрэр. Оттон биһиги хотугу тууһаммыт чыырбыт сымнаҕас сыатынан, минньигэс амтанынан уратылаах. Аҕыйах  чыыры туһаннахха, салаат амтана букатын атын, байылыат буолар. Бу сахабыт балыгын баайын остуолга күндү ас быһыытынан уурар биир үтүө ньыма», – диэн пуобар кэпсиир.

Салааты астыыр ньыма

Пуобар сүбэтинэн, салааты оҥоруу үгэс буолбут ньыматтан улахан туох да уратыта суох. Сүрүн кистэлэҥ – балыгы бэлэмнээһиҥҥэ сытар.

1. Салаакка тууһаммыт чыыр балыгы уҥуоҕуттан, тириититтэн ыраастаан, кыра гына кырбанар.
2. Бастакынае бэлэмнэммит чыыр ууруллар. Үрдүгэр кыра гына кырбаммыт эриэппэ луук эбиллэр.
3. Салгыы буспут хортуоппуй, моркуоп, сымыыт уонна сүбүөкүлэ теркаланар, хас биирдиитин майонеһынан сотуллан ууруллар.
4. Пуобар этэринэн, дьиэ майонеһын туһаннахха, салаат амтана өссө тупсар. Ону таһынан, салааты ууруон иннинэ 2-3 чаас халадыынньыкка туруоран, амтана иҥэрин ситиһиэххэ наада.

Саҥа салаат – олохтоох аһы-үөлү туһаныы, саха балыгын баайын билиһиннэрии уонна  астары саҥалыы көрүү үтүө холобура.Саҥа салаат эһиги Саҥа дьыллааҕы остуолгутун киэргэтиэ, чугас дьоҥҥутун уонна ыалдьыттаргытын ураты нарын амтанынан үөрдүө диэн эрэнэбит.