Хаартыска: "Готовим дома"
«Саҕынньахтаах селедка» салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп эбит. Судургутук оҥоһуллар эрээри, минньигэс, тотоойу уонна дьону сөхтөрөр кыахтаах.
Тууһаммыт селедка ыраастаммакка, бүтүн сылдьар буоллаҕына, уҥуоҕун ылгыыбыт, төбөтүн, кутуругун быһабыт уонна тэниччи тутан, салаппаанынан сабан баран, мас өтүйэнэн охсуолаан, сымнатабыт. Икки балыгы ылабыт, тириитин хастаабаппыт.
Миискэҕэ икки буспут сымыыты, биир буспут хортуосканы, биир буспут сүбүөкүлэни түөркэлээн, кутабыт, туустуубут. Хойуу сүөгэйи (майонеһы) кутан, биир маасса буолуор диэри, булкуйабыт.
Балыктары иккиэннэрин сэргэстэһиннэрэ тэниччи ууран, үрдүгэр начыыҥкатын ууран баран, салаппаан көмөтүнэн, ролл, рулет курдук төкүнүччү суулаан кэбиһэбит. Балыга тас өттүгэр буолар.
Салаппаанын ылбакка эрэ, халадыынньыкка 2-3 чааска уурабыт. Онтон быһыытын туппутун кэннэ, салаппаанын ылан баран, рулеты быһан, күөх отунан киэргэтэн, сокууска курдук остуолга уурабыт.
Сороҕор бу рулеты балыгын иһирдьэ уган, буспут моркуобу эбэн, сүбүөкүлэтин тас өттүгэр таһааран, оҥороллор. Ол эрээри, балыгын тас өттүгэр оҥорор быдан судургу, түргэн, ньаҕайдаммаккын, быһыытын да түргэнник тутар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…