СҮБЭҺИТ: Шашлыгы сөпкө буһарабыт…

Уһун кыһынтан, дьиэҕэ олорортон хал буолбут Саха сирин олохтоохторо сылаас өрөбүл күннэри баттаһа айылҕаҕа талаһабыт, аймахтар, доҕоттор мустан шашлык буһарабыт. Онон, шашлыгы хайдах сөпкө буһарыллыахтааҕын туһунан тэттик сүбэлэри кытта үллэстэбит.

Объясняем.РФ саайт шашлыгы сөпкө буһарарга тэттик сүбэлэри суруйбут. Холобур, эти аһаҕас кутааҕа ыһаарылыырга искэҥ ыарыыны көбүтэр канцероген үөскээһинэ саамай буортулаах диэн ыйар.

• — Эти аһаҕас уокка ыһаарылаамаҥ. Элбэх буортулаах эттик кутаа буруотугар баар буолар. Онон уота бүппүтүн кэннэ, чох сылааһыгар буһарыллыахтааҕын ыйаллар.
• — Туруору мангалы (вертикальный) туһаныҥ. Оччотугар шампурдар ойоҕоһугар тураллар, оттон буруота үөһэ тахсан шашлыкка иҥпэт.
• — Эти чоххо олус уһуннук тутумаҥ. Саһарчы буспут бүрүөһүҥҥэ (корочка) күүстээх канцерогеннар – гетероциклическай уонна ньиэрбэ систиэмэтигэр, быарга куһаҕаннык дьайар акрил-амид баар буолар.
• — Сыата суох эти талыҥ: ынах этэ, куурусса. Тоҕо диэтэххэ, сыа куталлаах эттиги бэйэтигэр күүскэ иҥэринэр эбит.
• — Шашлыгы кытта оҕуруот аһын сииргэ сүбэлииллэр. Оҕуруот аһа канцероген дьайыытыттан харыстыыр антиоксиданнардаах.