СҮБЭҺИТ: Сирэйгэ, илиигэ тахсар күн уотун бээтинэтин хайдах ыраастыыбыт?

Сирэйгэ, илиигэ мэҥ курдук бээтинэлэр сааһырбыт эрэ дьоҥҥо тахсар курдук үгүстэр өйдүүллэр. Күн уота аһары күүскэ көрүүтүттэн маннык бээтинэлэр (пигментные пятна) эдэр да дьоҥҥо тахсыахтарын сөп.

Эһиэхэ наада:

• Касторовай арыы;
• Суода;
• Бактерициднай лейкопластырь.

Бастатан туран, биир остолобуой ньуоска касторовай арыыны ньуоска төбөтүгэр кутуллубут суоданы кытта булкуйуҥ. Оҥоһуллубут симиэһи киэһэ утуйуох иннинэ сирэй, илии бээтинэтигэр ууруҥ. Ол үрдүнэн бактерициднай пластырьгытын сыбааҥ.

Сирэй бээтинэтэ хаһан сүтүөр диэри хас киэһэ ахсын туттуҥ. Өскөтүн, сирэйгит тириитэ аһары сымнаҕас, кытарымтыа буоллаҕына, маннык мааһы туттумаҥ.