СҮБЭҺИТ: Сүбүөкүлэ, моркуоп сиэмэтин хаһан ыһабыт?

Өрөспүүбүлүкэҕэ ыам ыйын бүтэһик күннэрэ нуорманы таһынан сылаас буолуоҕа диэн сылыктанар, арай сорох улуустарынан  билигин да хаар ууллубакка сытара биллэр.

Киин, арҕаа оройуоннарынан оҕуруотчуттар бу күннэргэ моркуобу, сөбүөкүлэни сиэмэнэн ыһан саҕалаатылар эрээри, оннук маассабайдык үлэ ыытылла илик дииллэр.

Онон ый халандаарынан бу күннэргэ моркуоп, сүбүөкүлэ  сиэмэтин хаһан ыһыахха сөбүн туһунан иһитиннэрэбит.

Ыам ыйын 13-26 күннэригэр ый өлөр кэмэ. Онон моркуобу уонна сүбүөкүлэни ыам ыйын  22, 25, 26, 29, 30  күннэригэр олордор ордук. Укуруобу, петрушканы ыам ыйын 21, 25, 29–30 күннэригэр ыһарга сүбэлэнэр. Онтон хортуоппуйу ыам ыйын бүтүүтэ — бэс ыйын саҥата (ыам ыйын 29–30 — бэс ыйын 1-8 күннэрэ) олордор ордук.