СҮБЭҺИТ: Сүөһү быарын сөпкө астыыбыт

Сүөһү быарын астыыр олус уустук диэн ааттыллар. Ол да курдук, буһарыы технологиятын тутуспатахха кытаанах уонна сүмэһинэ суох буолар. Бүгүн уопуттаах асчыттар араас кылгас  ырысыаптарын кытта үллэстэбит.

Паштет

Ырысыаба: 400 гр быар, 1 уст. эриэппэ луук, 1 орто моркуоп, 250 гр ынах арыыта, туус, хара биэрэс.

Луугу, моркуобу мас арыытыгар ыһаарылыыбыт. Быары оргуйа турар ууга уган буhарабыт, ол кэннэ мясорубкаҕа эрийэбит уонна нэлэгэр иhиккэ кутан, холодильникка сойута уурабыт.

Торт

Ырысыаба: 500 гр эриллибит быарга 1 ыст. үүт, 2 сымыыт, 1 ч.нь. туус, 1/2 биэрэс, 1 ост.нь. бурдук кутабыт, барытын булкуйабыт.

Тиэстэни хобордооххо блины курдук буһараҕын. Моркуобу теркалаан, эриэппэ луугу быһан тэҥҥэ ыһаарылыыгын. Блинылар икки ардыларыгар ыһаарылламмыт моркуобу, эриэппэ луугу уурабыт, торт быһыылаах хомуйабыт.

Рулет

Ырысыаба: 500 гр быарга 4 сымыыт, 0,75 гр бурдук, ыстакаан ортотунан үүт, туус, тума.

Састаабын барытын холбоон ытыйабыт. Блины тиэстэтиттэн арыый да хойуу буолуон сөп. Духуопка илииһин мас арыытынан сотон баран, быары чараас гына тэнитэ кутабыт уонна 200С кыраадыска 15-20 мүн. устата буһарабыт. Буспут быары майонеһынан сотобут, иһигэр тугу баҕар угуохха сөп, ол кэннэ рулет курдук эрийэбит. Хомуйбут рулеты майонеһынан сотобут уонна духуопкаҕа 150-180 С кыраадыска аҕыйах мүнүүтэ уган ылабыт.

Алаадьы

Ырысыаба: 1 кг быар, 0,5 кг хортуоппуй, 2 орто эриэппэ луук, 3-4 моркуоп, 2 сымыыт, 4 чосунуок.

Бурдугу көрөн кутаҕын. Быары, хортуоппуйу, луугу, чосунуогу, моркуобу мясорубкалыыгын. Эриллибит быарга сымыыт, туус, биэрэс, кыратык бурдук кутабыт — алаадьы тиэстэтин курдук хойуу соҕус буолар. Тиэстэбитин алаадьы курдук кыра арыыга буһарабыт.

Салаат

Ырысыаба: 500-600 г. ынах быара, 2 эриэппэ луук, 2-3 уст. улахан моркуоп, 2 сымыыт, 1 ост.нь. крахмал, туус, биэрэс, бэйэҥ сөбүлүүргүнэн тума (приправа).

Моркуобу бөдөҥ гына теркалыыбыт, луугу бытархай гына кырбыыбыт, мас арыытыгар сымныар диэри ыһаарылыыбыт, чосунуок эбиэххэ сөп.

Быары кубиктыы кырбыыбыт, икки сымыыт, сойбут моркуоп, луук, 1 ост. нь. крахмал, туус, биэрэс, тума кутан булкуйабыт. Сылыйбыт мас арыытыгар ньуосканан баһан алаадьы быһыылаах кутабыт, икки өттүттэн саһарыар диэри ыһаарылыыбыт.