Төлөпүөн ис бырагыраамаларын саҥарда сырыттахха уонна сөпкө ииттэрдэххэ, өр сулууспалыаҕа диэн Роскачество сүбэлиир. Бу туһунан объясняем.рф саайт суруйар.
Аныгы төлөпүөннэр литийионнай аккумулятордаахтар. Ол өр сылдьарын туһуттан маннык сүбэлэри туһаныҥ:
— төлөпүөҥҥүт иитиитэ ньуул буоларын кэтэһимэҥ, 10-15% хаалбытын кэнниттэн ииттэрэ сатааҥ. Аны толору 100% буолуор диэри ииттэрэр эмиэ сатаммат, 80-90% буолара ордук. Төлөпүөҥҥүтүн түүнү быһа уокка холбоон хаалларымаҥ, батареята итийиэҕэ;
— ииттэрэ туран төлөпүөҥҥүтүнэн туттумаҥ;
— хаачыстыбалаах ииттэрэр устройстволары туһаныҥ.
Төлөпүөҥҥүтүн күн көрөр сиригэр уурумаҥ, батареята итийэн алдьаныаҕа. Күҥҥэ сыппыт төлөпүөн эмискэ арахсыан, холбонуон эбэтэр олох да эстэн хаалыан сөп.
Итиэннэ күн уотуттан төлөпүөн сирэйэ саһарыан сөп.
Төлөпүөн иһигэр уу киирэн, ис деталларын алдьатыан сөп.
Ииттэрэ сылдьан суунумаҥ, уокка оҕустарыаххытын сөп.
Төлөпүөҥҥүтүн алҕаска инчэттэххитинэ да, курууппаҕа угумаҥ, фенынан куурдумаҥ. Курууппаҕа угуу көмөлөспөт, оттон фен төлөпүөҥҥүт иһинээҕи деталларын уулларыаҕа, уматыаҕа.
Төлөпүөн иһигэр уу киирэн, кунуопкалара үлэлээбэт буоллахтарына тута араарыҥ уонна кураанах сотторунан сотуҥ. Онтон сервискэ илдьэн оҥотторуҥ.
Төлөпүөн биир үксүн тоҕута-хайыта түһэн алдьанар, онон хаачыстыбалаах чехолла, хос тааста ылан иилиҥ.
Хас биирдии төлөпүөҥҥэ операционнай систиэмэ диэн баар. Кэмиттэн кэмигэр бу систиэмэ саҥардыыны ирдиир. Маны туһамматахха төлөпүөҥҥүт бытаарар.
Төлөпүөҥҥүт «өйө» туоллаҕына, бытааннык үлэлиир, батареята түргэнник бүтэр буолар. Онон наадата суох хаартыскалары, видео-устуулары, аудио-устуулары, туһаммат сыһыарыыларгытын сотторо сылдьыҥ.
Бүгүн Ил Түмэн тохсус ыҥырыылаах пленарнай мунньаҕар 2025 сылга уонна 2026-2027 сылларга былааннанар кэмҥэ Саха…
Бу куонкуруска ким баҕалаах Саха сирин устун кыһыҥҥы айанын устан кыттыан сөп. Видеоролигы суотабай төлөпүөҥҥэ…
Киһи этинэн-сиининэн сэрэйэн эбэтэр туохха эрэ олоҕуран бу күннэргэ туох буолуохтааҕын билэр. Биттэнии арааһа элбэх.…
Саха сиригэр Арктика улуустарыгар “күөх рейстэри” ыытыы салҕанар. Таһаҕас уу суола тиийбэт Анаабыр, Өлөөн, Эбээн…
Муусука үрдүкү оскуолатын саҥа куорпуһун тутууга бу сылга былааннаммыт үлэ барыта туолбутун туһунан Судаарыстыбаннай сакаасчыт…
Ил Түмэн тохсус уочараттаах пленарнай мунньаҕар норуот дьокутааттара 2024 сылга уонна 2025-2026 сылларга былааннанар кэмҥэ…