СҮБЭҺИТ: Тэтиҥ мас туһата

Тэтиҥ — эмтээх мас. Сэбирдэҕин, субатын састаабыгар эфирнэй арыы, аскорбиновай аһыыба, протеин, каротин, араас микроэлеменнэр элбэхтэр. Бу мастан бастакы аспирины уонна антибиотигы оҥорбуттара биллэр.

Тэтиҥ сэбирдэҕин уонна субатын ууга оргутан, элбэх ыарыыттан эмп оҥостон иһэллэр. Ол туһунан куйаар ситимигэр элбэхтик суруллар. Оттон бүгүн маһы бэйэтин туһаныы туһунан кэпсиэхпит.

Тэтиҥ субатын 20-25 см уһун гына хастаан, хас да итинник субаны утуйарга моонньу уонна биил анныгар угуллар. Үс ый устата маннык утуйдаххына, моонньуҥ уонна сиһиҥ хондуруостара ааһар үһү.

Атаҕын иҥиирэ тардар киһи тэтиҥ чууркатын ылан, оронугар ууран, атаҕын онно тэбэн сытар буоллаҕына, сотору кэминэн ыарыыта ааһар.

Харахтара ыалдьар дьон тэтиҥ мас умнаһыттан 20-30 см быһан ылан баран, сүүстэрин икки хаастарын икки туһаайыытынан ууруна сылдьыахтарын сөп. Маннык маһы көмпүүтэргэ өр үлэлиир киһи аҕыйах мүнүүтэ устата хараҕын үрдүгэр ууран, сыта түстэҕиинэ, чэпчээн турар.

«Саха ыалын бастыҥ кинигэтэ».