СҮБЭҺИТ: Тииһи хайдах бөҕөргөтөбүт?

Киһи доруобуйата хайдаҕын тиис туоһулуур. Ол курдук бөҕө-таҕа, маҥан тиис үгүс киһи баҕа санаата. Ол эрээри сорох дьон төрүөхтэриттэн тиистэрэ мөлтөх буолуон сөп. Баттаҕын хайдаҕый лда, тииһиҥ туруга оннук дииллэр эбит быраастар. Билигин мэдиссиинэ сайдыбыт кэмигэр тииһи сөптөөхтүк көрүнүү улахан суолталаах.

Тиис быраастара сүбэлииллэринэн, сакалааттааҕар тииһи бирээнньик, кэмпиэт быдан алдьатар эбит. Тиискин харыстыыр буоллаххына, сүрүн болҕомтону тиистэриҥ миилэтигэр уурарыҥ наадатын ыйаллар. Киһи сылга иккитэ тиис бырааһыгар көрдөрүнүөхтээх. Өскөтүн, илин тииһиҥ сылдьан эрэ таах хамсаабыт буоллаҕына, тиис быраастара этэллэринэн, туурдара охсорго ыксыыр наадата суох. Шинирование диэн тииһи туттаран, хамсаабат гына оҥорон биэрии өҥөтө билигин Саха сиригэр киэҥник сайдан турар. Өскөтүн, тиискит дьөллөөрү гыммыт, эбэтэр номнуо дьөллүбүт буоллаҕына, туурдарарга ыксаамаҥ. Исписэлиис көрөн хайдах эмтиири быһаарар. Тииһи хас аһылык  кэнниттэн суунуу, сайҕаныы, сөптөөх гигиенаны тутуһуу улахан көмөлөөх. Эрдэттэн тиис кыһалҕатын туоратар туһуттан битэмииннээх аһылык уонна кальцийдаах битэмииннэри иһии көмөлөһөр.

Элбэх ууну иһии, эти, балыгы, оҕуруот аһын хото сиир көмөлөһөр. Манна хайаатар да элбэх минераллаах битэмиини сылга иккитэ эргийэн кэлэн иһэр наада.