Хаартыска: ВКонтакте «Минньигэс ырысаптар хоппото» бөлөҕүттэн
Бүгүн халадьыыльныкка кимиэхэ барытыгар кэриэтэ баар бородуукталарынан мини-пиццалары астыыр ырысыабы кытта үллэстэбит.
Пиццалар сыырдаах эбэтэр барыанньалаах буолуохтарын сөп — бэйэҕит талбыккытынан. Саҥа ырысыап ВКонтакте «Минньигэс ырысаптар хоппото» бөлөҕүттэн ылынна.
Тиэстэтигэр туох наада буоларый? Биир ыстакаан сылаас үүт, 2 ч. ньуоска доруоһа, 1,5 остолуобай ньуоска саахар, 2 остолуобай ньуоска мас арыыта. Кыратык туус.
Бастакы мини-пиццаҕа халбаһыы, «черри» помидордар, сыыр, буһарыллыбыт хортуоска, кыһыл луук, кетчуп, туус-биэрэс ууруллар.
Иккис мини-пиццаҕа дьэдьэн барыанньата, тоҥоруллубут дьэдьэн, саахар, икки-үс ньуоска крахмал кутан уурабыт.
Астыыр ньыма: Тиэстэбитин охсон, мэһийэн баран, биир чаас сынньата туруора түһэбит. Ол кэннэ чараастык тэнитэн, төгүрүктэри быһаталыыбыт. Хас биирдии төгүрүккэ кетчуп сотобут. Үрдүгэр кырбаан бэлэмнээбит астарбытын көрөн уурабыт.
Минньигэс мини-пиццаларга барыанньанан сотон баран, үрдүгэр саахары уонна крахмалы кытта булкуйуллубут дьэдьэни уурабыт.
Бэлэмнэниллибит пиццалары 190 кыраадыска диэри ититиллибит духуопкаҕа 20 мүнүүтэ буһарабыт.
Түмүгэр 6 халбааһылаах уонна 5 минньигэс мини-пицца тахсар. Олус минньигэс. Боруобалаан көрүҥ!
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…
Бу күннэргэ социальнай ситимнэринэн бааннар кирэдьиит биэрэллэригэр кирэдьиит устуоруйатын учуоттаабат буоллулар диэн сымыйа сурах тарҕанна.…
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.