Хартыска: куйаар аһаҕас ситимиттэн
Алтынньы ый — хаппыыстаны кыһын устата харайыан баҕалаах дьоҥҥо саамай суолталаах кэм. Бүгүн олус минньигэс амтаннаах тууһаммыт хаппыыста ырысыабын кытта үллэстэбит. Хаппыыстаны сокууска, салаат быһыытынан күндүлүөххэ, щи миин буһарарга туттуохха сөп.
Тууһаммыт хаппыыстаны тууһуурга анаан-минээн хойукку хаппыыста туттуллуохтаах. Оннук хаппыыстаҕа наадалаах саахара быдан элбэх. Ол саахардар үүт аһыыбатагар кубулуйаллар, айылҕаттан оҥоһуллубут консервант буолан, ураты аһыы амтаны биэрэллэр.
Бастатан туран, киртэн-хохтон ыраастыырга хаппыыстаны тымныы ууга үчүгэйдик сууйабыт. Онтон бастакы күөх сэбирдэхтэрин ылан бараҕабыт. Үксүн кинилэр аһыы амтанныахтарын сөп. Үрдүкү 2–3 лииһин ылан быраҕар сөп буолар. Алдьаммыт эбэтэр хаппыт сэбирдэхтэр баар буоллахтарына, кинилэри эмиэ устан быраҕыахха наада. Эбии 4–6 сэбирдэҕи ылабыт — кинилэр биһиэхэ тууһуурга өссө наада буолуохтара. Ыраастаммыт хаппыыстаны кырбыырга табыгастаах гына түөрт аҥы быһабыт.
Састааба — хаппыыста — 2 кг; моркуоп — 150 г; туус — 50 г. 1.
Бэлэмнэммит хаппыыстаны соломо курдук чараастык кырбааҥ. Моркуобу ыраастаан баран, бөдөҥ түөркэҕэ аалабыт. Кырбаммыт хаппыыстаны уонна моркуобу кытта булкуйуҥ, тууһу кутуҥ. Хаппыыстаны тиэстэни имитэр курдук имитиҥ Хаппыыста сүмэһинэ тахсыар диэри маны хас да мүнүүтэ оҥоруҥ. Ыраас эмааллаах көстүрүүлэ эбэтэр өстүөкүлэ бааҥка түгэҕэр 2–3 бүтүн хаппыыста сэбирдэҕин ууруҥ. Бэлэмнэммит хаппыыстаны, ыгыччы уурталааҥ. Хаппыыста барыта уурулуннаҕына, үрдүн көннөрүҥ. Үрдүн 2–3 ыраас бүтүн хаппыыста сэбирдэҕинэн сабыҥ. Хаппыыста тахсыбыт сүмэһининэн толору бүрүллүөхтээх. Хаппыыстаны сылаас сиргэ (сөптөөх температурата 20–22 °C) ууруҥ. Суукка буолан баран, хаппыыстаҕа элбэх сүмэһин тахсан, үөһэ тахсыа. Баттаттары устан, сүмэһин аҥаарын кэриҥин сүүрдэн ылыҥ.
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …
Өлүөхүмэ улууһугар «Умнас» трасса 652-с килэмиэтиригэр Дьороху үрэҕи туоруур күргэ хапытаалынай өрөмүөнэ түмүктэниэ. Бу туһунан…
СӨ Ил Дархана Айсен Николаев уонна Арассыыйа Буостатын генеральнай дириэктэрэ Михаил Волков өрөспүүбүлүкэҕэ буоста сибээһин…
Алтынньы 16 күнүгэр Саха сирин Ленскэй улууһугар киһи өлүлээх суол быһылаана таҕыста. Бу туһунан ГАИ…
«Мой бизнеч» киин байыаннай дьайыы кыттыылаахтарыгар, бойобуой дьайыылар бэтэрээннэригэр, ону таһынан кинилэр дьиэ кэргэттэригэр аналлаах…
«Филадельфия» роллар – элбэх углеводтаах, сыалаах уонна калорийдаах ас. Сушины сииртэн туттуналлара наадалаах дьон эмиэ…