СҮБЭҺИТ: Вакуумнай бакыакка оҕурсуу салаата

Битэмииннээх оҕурсуу салаата вакуумнай бакыакка олус судургу уонна түргэн ырысыап. Оҕурсуу вакуумнаах бакыакка бэйэтин сүмэтигэр атын амтаннанар, олус минньигэс буолар.

Туох нааданый
Оҕурсуу – 7 уст.;
Чосунуок – 5 уст.;
Кинза от – 1 тутум;
Соевай соус – 2 ост.нь.;
Саахар – 1 ост.нь.;
Туус, хара биэрэс, кунжут сиэмэтэ.

Оҕурсууну кырбастаа, вакуумнай бакыат иһигэр уган баран, хобордооҕунан эбэтэр мас өтүйэнэн кыратык сынньабыт, оччотугар сүмэһинэ тахсар уонна амтанын иҥэринэр. 5 чосунуогу кыра гына кырбаан баран, 1/3 тутум кыра гына кырбаммыт кинза оту кутабыт, соевай соустуубут, биэрэс, саахар и туус эбэбит. Хаалбыт кинза оту улахан гына кырбастаан угабыт. Сандалы остуолга күндүлүүргэ кунжут сиэмэтинэн киэргэтэбит.