Саҥа дьыл бырааһынньыктарын кэмигэр үгүс киһи хааччаҕа суох аһаан, ыйааһына эбиллибит буолуохтаах. Маныаха эбии бытарҕан тымныылаах, будулҕан туманнаах күннэр турар буолан, киһи баттатар, кэлэрэ-барар хааччахтанар, онон настарыанньатын көтөҕөөрү элбэхтик аһыыр. Ол эрээри, күммүт уһаата, саас тыына биллэн эрэр, сотору сылыйыаҕа. Онон кыһын устата мунньуммут сыаны, ыйааһыны түһэрэргэ саахара, элбэх калорийа суох, туһалаах бүлүүдэлэр ырысыаптара тоҕоостоох буолуохтара.
Лүөн сиэмэтэ – 2-3 ч.нь.
Банаан – 1 уст.
Отон (сугун), чиа сиэмэтэ, эриэхэ.
Лүөн сиэмэтигэр оргуйбут уу кутан, киэһэ сытытан хаалларабыт. Сарсыарда туран, сиэмэҕэ банааны, отону, чиа сиэмэтин эбэн, блендергэ эрийтэрэбит. Хааһы бэлэм! Үрдүгэр эриэхэни, отону кутан киэргэтиэххэ сөп. Бу дьахтар доруобуйатыгар олус туһалаах хааһы, олус түргэнник оҥоһуллар, буһарыллыбат.
Күөх гречкаҕа (анал маҕаһыыннарга атыыланар) уу кутан, киэһэ сытытан хаалларабыт. Сарсыарда блендеринэн эрийтэрэбит, кыра уулаах буолуохтаах. Кыратык туус эбиэххэ сөп, бурдук да, туох да кутуллубат. Арыыта суох тефлон хобордооххо буһарабыт. Иэдьэгэйи, топинамбур сиробун, кыһыл балыгы, авокадоны кытары сиэххэ сөп.
Сымыыт – 3 уст.
Эбиэс бурдуга – 4 ост.нь.
Үүт – 50 мл.
Туус.
Үүккэ сымыыты, бурдугу кутан, убаҕас тиэстэ оҥоробут. Эбиэс бурдуга суох буоллаҕына, “хлопья” ылан, блендергэ эрийтэрэн, оҥоруохха сөп. Тиэстэ 5-10 мүнүүтэ тура түстэҕинэ, хойдор. Бу кэмҥэ начыыҥкатын бэлэмниибит: помидору, сыыры кырбыыбыт. Клубниканы, бананы быһабыт. Хобордооҕу арыынан сотон баран, билиинчиги буһарабыт. Эргитэн баран, аҥаар өттүгэр помидору, сыыры уурабыт, биир өттүнэн сабан кэбиһэбит. Иккис билиинчиккэ банааны, клубниканы уурабыт. Бу курдук начыыҥкатын уларыта сылдьан, баҕарбыккынан оҥоруохха сөп.
Уу (эбэтэр, күөх чэй) – 150 мл.
Сельдерей – 1 умнас.
Оҕурсу аҥаара.
Күөх дьаабылыка аҥаара.
Лимон сүмэһинэ – 1 ост.нь.
Барытын холбоон баран, блендергэ эрийтэрэбит. Сельдерей суох буоллаҕына, кутумуохха да сөп.
Саахара суох греческэй йогурду, эбэтэр кэпиири ыстакаан түгэҕэр кутан баран, чиа сиэмэлэрин таммалатабыт. Үрдүгэр йогурду, онтон эбиэстэн “хлопья”, эбэтэр, граноланы, ол үрдүгэр йогурду, фруктаны (дьаабылыка, банаан, сугун, абрикос, о.д.а.) араҥалаан кутабыт. Убаҕас мүөтүнэн минньитиэххэ сөп.
Киэһэ оҥорон баран, халадыынньыкка уурдахха, сарсыарда эбиэс уонна чиа үллэн, тотоойу, туһалаах аһылык буолар.
Төһө да диетаҕа олорбут иһин, киһи минньигэһи сиэн баҕаран кэлэр. Онуоха саахары туһаммакка эрэ, бурдук аһы банаан, курага көмөтүнэн минньитиэххэ сөп. Подсластители таларга стевия, эритрит, инулин ордуктар. Сөпкө аһыыр диетаҕа үрүҥ бурдугу эмиэ туһамматтар, тоҕо диэтэр, глютеннаах (килиэйдээх) буолан, оһоҕоско куһаҕаннык дьайар. Онон глютена суох бурдуктары уонна эбиэстэн “хлопья” туһаныахха сөп. Бу ырысыаптарынан бүлүүдэлэр олус түргэнник уонна судургутук оҥоһуллаллар.
Сымнаҕас иэдьэгэй – 500 гр
Сымыыт – 4 уст.
Мааннай куруппа – 3 ост.нь.
Подсластитель – 5 ч.нь.
Клубника (тоҥ, эбэтэр сибиэһэй) – 200 гр.
Иэдьэгэйгэ 4 сымыыт уоһаҕын, маанканы, подсластитель кутан, булкуйан баран, блендеринэн эрийтэрэбит. Сымыыт үрүҥүн үллүөр диэри миксеринэн туспа иһиккэ эрийтэрэн баран, иэдьэгэйгэ кутабыт, сэрэнэн булкуйабыт. Үрдүгэр клубниканы уурталаан баран, итийбит духуопкаҕа уган, буһарабыт.
Муорус, эбэтэр, хомпуот – 400 мл.
Желатин – 40 гр.
Подсластитель.
Лимон сүмэһинэ – 1 ост.нь.
Муоруһу отонуттан ыраастыыбыт. Барытын иһиккэ кутан, булкуйан баран, 10 мүнүүтэ туруорабыт. Онтон билиитэҕэ желатина ууллуор диэри сылытабыт, оргуппаппыт. Сойутан баран, силикон формаҕа кутан, тымныы сиргэ кытаатыар диэри уурабыт.
Сымыыт – 1 уст.
Кэпиир – 300 гр.
Геркулес – 100 гр.
Курага/чернослив/изюм – 30 гр.
Банаан – 1 уст.
Разрыхлитель – 1 ч.нь.
Барытын булкуйан, алаадьы тиэстэтинээҕэр хойуу тиэстэ оҥорон баран, 180 кыраадыс итийбит духуопкаҕа 25 мүнүүтэ буһарабыт. Сухофрукта (курага/чернослив/изюм) биир эрэ көрүҥүн туһаныахха сөп. Минньигэһи сөбүлүүр дьон подсластитель эбиэхтэрин сөп.
Сымнаҕас банаан – 2 уст.
Эбиэс бурдуга – 150 гр.
Эбиэстэн “хлопья” – 150 гр.
Ынах арыыта – 50 гр.
Сымыыт – 1 уст.
Кунжут – 20 гр.
Банааны биилкэнэн илдьиритэн баран, сымнаабыт арыыны, сымыыты, кунжуту эбэн, булкуйабыт. Манна бурдугу уонна “хлопья” кутан баран, булкуйабыт. Инчэҕэй илиинэн бэчиэнньэни оҥоробут. 190 кыраадыс итийбит духуопкаҕа 25 мүнүүтэ буһарабыт.
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…