Сүбэһит: үүнээйи өҥүнэн-дьүһүнүнэн этэр

Үүнээйи эйгэтэ. Үүнээйи турар усулуобуйатын төһө сөбүлүүрүн, туох эттик тиийбэтин өҥүнэн-дьүһүнүнэн этэр кыахтаах.

• Сэбирдэх аанньа улааппата уонна кубарыйан, саһаран киирэн барыыта азот уонна тимир саппааһа тиийбэтин, буора аҕыйаҕын эбэтэр олус элбэх уу кутулларын кэпсиир.

• Умнаһа сиэри таһынан уһуура уонна сибэккилэммэтэ  азота аһары элбэҕин этэр.

• Сэбирдэх саһарарын ааһан, тымырдарын быыһа көҕөрөн тахсара  марганец наһаа үксээбитин үҥсэр.

• Сэбирдэх фиолетовай дьүһүннэнэрэ фосфор тиийбэтин, күнүскү уонна түүҥҥү салгын температураларын араастаһыыта улаханын көрдөрөр.

• Сэбирдэх түүрүллэрэ салгын аһара кураанаҕын уонна наһаа итиитин, сырдык тиийбэтин туһунан этэр.

• Алларааҥҥы сэбирдэх хараарара, түһэрэ магний итэҕэһин тыллыыр.

• «Илимнээх» ооҕуй үөскээтэҕинэ, сэбирдэххэ иннэнэн аспыт курдук толбоннор тахсаллар. Онуоха «фитоверм» сириэстибэ киниэхэ сөбүн көрдөрөр.

Е.Гаврильева — Сибэкки Дуунньа,

«Үрдүк үүнүү кистэлэҥнэрэ» кинигэтиттэн.

(«Айар» кинигэ кыһатыгар 2023 c. бэчээттэнэн тахсыбыта)