СҮБЭҺИТ: Үүнээйи сибэккилэммэт буоллаҕына тугу гынабыт?

Үүнээйи сибэккилэммэт буоллаҕына, оҕуруотчуттар олус туһалаах уонна судургу суурадаһыны оҥорон кутаргытыгар сүбэлииллэр.

«Бу суурадаһынан үүнээйини аһаттахха, олус түргэнник сибэккилэнэр», —  диэн уопуттаах эспиэрдэр кэпсииллэр.

Ардыгар сорох сибэккилэр хойукка диэри сибэккилэммэккэ туруохтарын сөп. Саҥа сибэккин да, саҥа сэбирдэх да үүммэт буолар түгэннэрэ баар. Оччотугар эһиэхэ  ханнык баҕарар эмтиэкэҕэ атыыланар аспирин таблетката көмөлөһүө.

Ырысыаба судургу — ацетилсалициловай кислота таблетканы биир лиитирэ ууга суурайабыт. Үүнээйи умнаһыгар суурадаһыммытын күҥҥэ биирдэ 7-10 хонук устата кутабыт. 3-4 хонугунан «утуйан» турбут үүнээйи түргэнник сибэккилэнэр.

Маннык суурадыһынан аһатыллыбыт үүнээйи  сибэккитэ тахсара түргэтиир, сэбирдэҕэ уонна силиһэ күүһүрэр, араас ыарыыларга тулуйумтуо буолар. Маны таһынан эбии бу суурадыһынан үүнээйи сэбирдэхтэрин сотуохха сөп.

Туһалаах сүбэни туһаныҥ, билэр дьоҥҥутун кытта үллэстиҥ .