Сүбэһит: Кыһыҥҥы күн туруута – алыптаах кэм

Share

Бүгүҥҥүттэн, ахсынньы 21 күнүттэн, кыһыҥҥы күн туруута саҕаланна. Күн уһуна кылгаан-кылгаан баран, ахсынньы 24 күнүгэр диэри тохтуур. Бу кэмтэн астрономияҕа саҥа сыл саҕаланар. Онтон күммүт кутуйах хаамыытынан, кыра-кыралаан уһаан барыаҕа.

Ахсынньы 20-23 күннэригэр, түөрт күн устата, күммүт уһуна 5 чаас 8 мүнүүтэ буолар. Онтон ахсынньы 24 күнүттэн биирдии, иккилии мүнүүтэ уһаан барар. Саҥа дьылга диэри 11 мүнүүтэ эбиллэр.

Бу бырааһынньыгы дьон түҥ былыргыттан бэлиэтиир. Тоҕо диэтэххэ, Эргэ Күн өлөр, онтон саҥаттан тиллэр диэн өйдөбүллээхтэрэ. Онон дьон эргэ дьыалаларын түмүктээн, саҥа сылга саҥалыы былааннанан, тэринэн киирэргэ бэлэмнэнэллэр. Күнү кытта тэҥҥэ “тиллэн”, сырдык, сылаас кэм кэлэрин күүтэллэр. Бу үүнүү, тиллии, үрдүккэ талаһыы кэмэ.

Астрологическай сыл саҕаланыыта

Сирбит иҥнэри буолан, хотугу полушарие хоту өттүгэр күлүк түһэр, ол иһин полярнай түүн саҕаланар. Оттон сайын, төттөрүтүн, киирбэт күннээх түүннэр үүнэллэр. Кыһыҥҥы күн туруутугар хотугу полушарие чыпчаала Сир эргийэр иитин  саамай ыраах туочукатыгар тиийэр. Онтон төттөрү эргийэн, саамай чугаһыыр туочукатыгар тиийдэҕинэ, сайыҥҥы күн туруута буолар. Ойууга ити ырылыччы көстө сылдьар.

Күн сыллааҕы эргийиитэ халандаар кэмин кытары чопчу сөп түбэспэт, ол иһин күн туруута сыл аайы араас кэмҥэ түбэһиэн сөп.

Сүбэлэр

Бу кэмҥэ түмүк оҥосторго, инникини былааннанарга тоҕоостоох кэм. Дьиэни ыраастаан, сууйан-сотон, эргэрбити, алдьаммыты барытын быраҕан, саҥа мал-сал, таҥас-сап, олохпутугар саҥа дьайыы, уларыйыы кэлэригэр бэлэмнэнэбит.

Бу ааспыт сылга хаалбыт хомолтону, кыһыыны-абаны, ыарыыны, кэлэйиини, о.д.а. барытын кумааҕыга суруйан баран, уматан кэбиһиэххэ сөп. Ону тэҥэ баҕа санаалары эмиэ суруйан баран, эһиилгэ диэри үчүгэйдик суулаан, ууран кэбиһэҕин.

Быйыл Ый үүнүүтэ ахсынньы 23 күнүттэн саҕаланыа, бу кэмҥэ Баҕа санаа хаартатын (Карта желаний) оҥорор тоҕоостоох. Үүнэр сылга туохха талаһаргын, тугу баҕараргын торумнуоххун, баҕа санааҥ туоларыгар олук ууруоххун сөп.

Күн төрүүр кэмигэр халлаан аана арыллар дииллэр, элбэх эниэргийэ түһэр буолан, үтүөнү оҥорбутуҥ, үҥэн-сүктэн көрдөспүтүҥ үс төгүл бэйэҕэр үчүгэйинэн эргиллэн кэлэр.

Recent Posts

  • Сонуннар
  • Сүрүн

2026 сылга мунньуллар биэнсийэттэн хас сууманы ылыахха сөбүн туһунан иһитиннэрдилэр

Арассыыйа олохтоохторо 2026 сылга  мунньуллар биэнсийэлэриттэн  440 тыһыынча солкуобайы биир кэмнээхтик ылыахтарын сөп диэн РИА…

5 часов ago
  • Сонуннар

Ефрем Семенов: «Каадыр бэлиитикэтигэр улахан болҕомто ууруллуоҕа»

Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…

5 часов ago
  • Сонуннар
  • Уопсастыба

Диана Соломонова: «Сийиэскэ этиилэрбин болҕомтоҕо ылбыттарыттан үөрдүм»

Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ  үгүс дьокутааты…

5 часов ago
  • Сонуннар
  • Уопсастыба

Дьоҕус урбааны өйүүр  боппуруос туора туран хаалыа суохтаах

Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…

6 часов ago
  • Байыаннай эпэрээссийэ
  • Уопсастыба

“Надеждалар” быйыл сүүрбэччэ араас көрүҥнээх 861 таҥаһы тиктилэр

“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…

6 часов ago
  • Бэрээдэк

Аймаҕар көмөлөһөөрү кирэдьиит ылан, улахан иэскэ киирбит

Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…

6 часов ago