СҮБЭҺИТ: Харыйаны хаһан симиир ордугуй?

2026 сылга бары өттүнэн ситиһиилээх буолар туһуттан харыйаны симииргэ анаммыт күннэри фэн-шуй үөрэхтээхтэр иһитиннэрдилэр. Саҥа дьыл иннинэ салгын абынан-алыбынан туолар диэн этэллэр.

Бу күннэргэ харыйаны симээтэхпитинэ, дьэ эһиил табыллыы «батыһа сылдьыаҕа»:

• ахсынньы 3-5 күннэригэр — үп-харчы үллүөҕэ;
• 6-8 күннэригэр — ил-эйэ буолуоҕа;
• 7-9 күннэригэр — дьыала-куолу ситиһиилээх буолуоҕа;
• 12-14 күннэригэр — инвестиция табыллыаҕа;
• 11-15 күннэригэр — тапталга табыллыаххыт;
• 20-25 күннэригэр — тапталы, баайы-дуолу тардыаххыт.

Манна даҕатан суруйдахха, быйыл харыйаны натуральнай матырыйааллартан оҥоһуллубут оонньуурдарынан симиир ордук эбит. Мастан, лүөнтэн, түүттэн оонньуурдары бэйэҕит оҥоруоххутун, атыылаһыаххытын сөп. Оччотугар үтүө санаа, ил-эйэ, баҕа санаа туолуута түстэнэр диэн үөрэхтээхтэр этэллэр.