Надежда Евсеева хаартыскаҕа түһэриитэ
Бүлүү улууһун «Чочу нэһилиэгэ» (Сыдыбыл) муниципальнай тэриллии баһылыга Петр Догоюсов нэһилиэк күн күбэй ийэлэрин, эбээлэрин «Утум ситимэ» түмсүүтэ байыаннай дьайыы байыастарыгар анаан мөһөөччүктэри тикпиттэрин, нэһилиэк байыаннай эпэрээссийэ кыттыылаахтарыгар улуус ыытар бары аахсыйаларыгар кыттыһа олорорун, кыайыы туһугар ыытыллыбыт бу аахсыйаларга кыттыбыт биир дойдулаахтарыгар улахан махталын тиэрдэрин туһунан кэпсээтэ.
— Сыдыбыл сэлиэнньэтиттэн байыаннай эпэрээссийэҕэ кытта сылдьар уолаттарбыт дьонноругар тиһигин быспакка көмөлөһө олоробут. Нэһилиэкпит байыаннай эпэрээссийэ кыттыылаахтарыгар улуус ыытар бары аахсыйаларыгар кыттыһар. Кыайыы туһугар ыытыллыбыт бу аахсыйаларга кыттыбыт биир дойдулаахтарбытыгар улахан махталбытын биллэрэбит.
Чочу нэһилиэгин күн күбэй ийэлэрин, эбээлэрин «Утум ситимэ» түмсүүтэ байыаннай дьайыы байыастарыгар анаан мөһөөччүктэри (вещмешок) тиктилэр. Ийэлии амарах санааларын, алгыстарын анаан, илиилэрин сылааһын иҥэрбит мөһөөччүктэрин иһигэр уолаттарга үрдүк Айыылартан улахан көмүскэл буоллун диэн бэйэлэрэ оҥорбут сахалыы харысхалларын укпуттара. Киһиэхэ күүс-көмө, дурда-хахха, көмүскэл буолар саха норуотун харысхала араҥаччылыы, арчылыы турдун диэн бары бүттүүн алгыыбыт, этэҥҥэ эргиллэн кэлиэхтэрэ диэн эрэл санаанан күүтэбит, — диэн Петр Догоюсов санаатын үллэһиннэ.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…