Сүөһү аһылыгын бэлэмнээһиҥҥэ министиэристибэ суһал ыстаап тэрийдэ

Өрөспүүбүлүкэҕэ от ыйын 1 күнүнээҕи туругунан оттооһун былаанынан 408 тыһыынча туонна от оттоннуохтаах. 

Бу туһунан тыа хаһаайыстыбатын министиэристибэтэ иһитиннэрдэ. Улуустартан тыа хаһаайыстыбатын управлениелара иһитиннэрбиттэринэн, куйаас күн-дьыл туран,  курааннаан, ону тэҥэ аһыҥа элбээн, илин эҥэр улуустарга от үүнүүтэ мөлтөһүөр буолан,  сүөһү аһылыгын бэлэмнээһиҥҥэ уустук балаһыанньа үөскүөх курдук.

Онон сибээстээн, быйылгы сыллааҕы сүөһү аһылыгын бэлэмнээһиҥҥэ тустаах миэрэлэр ылылыннылар. Ол курдук, Тыа хаһаайыстыбатын уонна ас-үөл бэлиитикэтин министиэристибэтин суһал ыстааба тэрилиннэ.   Улуус уонна нэһилиэнньэлээх пуун таһымыгар эмиэ маннык анал үлэни тэрийэр ыстааптар тэрилиннилэр.

Муниципальнай оройуоннарга оттуур ходуһалары бэрээдэктээһини тэрийэргэ сорудахтанна. Былырыын  өрөспүүбүлүкэ үрдүнэн 446 тыһ. туонна от оттоммута.  Ил Дархан Айсен Николаев сорудаҕынан үүт биир лиитэрэтигэр 65 солк., кэтэх хаһаайыстыыба сүөһүтүн төбөтүгэр 39 тыһ. солк., арктическай улуустарга 45 солкуобай субсидия көрүллүбүтэ.
Онон күннэргэ оттооһуҥҥа улахан болҕомто ууруллан, тэрээһиннээх үлэ барара ирдэнэр