Граннары уонна субсидиялары ылааччылар ахсааннарын улаатыннаран, бырабыыталыстыба тыа хаһаайыстыбатын оҥорон таһаарааччыларын өйөбүлүн кэҥэттэ.
Сүөһү иитээччилэр 2023 сыл тохсунньу 1 күнүттэн өйөбүл саҥа көрүҥүн ылыахтара – ынах сүөһүнү иитии уонна бородууксуйаны салгыы оҥорон таһаарыы ороскуотун толуйууга субсидиялары. Маннык уураахха РФ Бырабыыталыстыбатын Бэрэссэдээтэлэ Михаил Мишустин илии баттаата. Кэлэр сылга бу миэрэҕэ 600 мөл солк. көрүлүннэ.
Маны сэргэ 2023 сыл тохсунньу 1 күнүттэн производстволарын сайыннарыыга судаарыстыбаттан граннары ылар икки категория аграрийдарга маннык өйөбүлү биэрии усулуобуйата чэпчиэҕэ.
Ол эбэтэр грант үбүн материальнай-тиэхиньиичэскэй баазаларын бөҕөргөтүүгэ туһанар дьиэ кэргэн пиэрмэлэрин сайыннарыынан дьарыктанар пиэрмэр хаһаайыстыбаларыгар, ону тэҥэ тыа хаһаайыстыбатын кэпэрэтииптэригэр сыһыаннаах. Бу иннинэ кинилэр ылбыт граннарын хас 3 мөлүйүөн солкуобайын аайы биир үлэһити ылыахтаахтара, билигин хас 10 мөлүйүөн солкуобай ахсын – биир үлэһити.
Грант муҥутуур сууматын кээмэйэ уруккунан хаалар: пиэрмэр хаһаайыстыбаларыгар – 30 мөл солк. диэри, тыа хаһаайыстыбатын кэпэрэтииптэригэр – 70 мөл солк. диэри.
Дьиэ кэргэн пиэрмэлэрин бас билээччилэргэ саҥа уурааҕынан 2023 сыл тохсунньу 1 күнүттэн муниципальнай бас билиигэ баар тыа хаһаайыстыбатыгар аналлаах сир учаастактарын ылыыга бу үп сорҕотун ыытар кыахтаныахтара.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…