Туяра Захарова хаартыскаҕа түһэриитэ
Кыстыкка киириигэ субан сүөһүлэр, ардыгар ыанньык ынахтар толоонтон кэлэн быстыбаккалар тыа сирин олохтоохторун эрэйдииллэр. Сыл ахсын сүөһү сүтүктээх ахсаана элбиир. Ситимнэргэ ким хас сүтүктээҕин, сүөһүтүн өҥүн-дьүһүнүн суруйан тарҕаталлар.
Ол курдук, Ньурба улууһугар эмиэ сыл ахсын сүөһү сүтүүтүн кыһалҕата турарынан, быйыл «Сүөһү сүтүктээхтэр» диэн социальнай ситимҥэ туспа бөлөх тэриммиттэр. Марха куустатыгар уопсайа сэттэ нэһилиэк хабыллар. Бу бары бэйэ-бэйэлэриттэн чугас сытар нэһилиэктэр буолан маннык тэриллибит. Сүппүт сүөһүнү булууга РегАгро бииркэ олус туһалаабыт. Бииркэ көмөтүнэн сүөһүлэри тутан, хаартыскалаан, нүөмэрин ыйан сүтүктээхтэр бөлөхтөрүгэр ыыталлар. Ону бэтэринээрдэр РегАгро ситим нөҥүө көрөллөр, хаһаайын аата-суола ол ситимҥэ көстө сылдьар.
Билигин Ньурба улууһугар ынах-сүөһүнү бииркэлээһиҥҥэ үлэ тигинэччи ыытылла турарын туһунан СӨ Бэтэринээрийэҕэ департамена иһитиннэрэр. Уопсайа 13 тыһыынчаттан тахса сүөһү хабыллыбыт. Бэлиэтээн суруйдахха, 2020 сылтан РегАгро диэн сүөһүнү, сылгыны учуоттуур ситим өрөспүүбүүкэҕэ үлэтэ саҕаламмыта. Маннык бииркэ икки араастаах буолар. Улахана ыраахтан көрөргө табыгастаах, биэс нүөмэрдээх. Оттон кырата анал тэрилинэн, сканерынан ааҕыллар, бу 15 нүөмэрдээх буолар. Сылгыга буоллаҕына тириитин иһигэр угуллар микрочип буолар, кулгаахтарыгар иилиллэр анал бэлиэ суох, манна сканерынан эрэ ааҕыллар.
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…
Кэнники кэмҥэ дьон куораттан, улуустар кииннэриттэн тыа сиригэр көһөн тахсар буолла. Кинилэр үгүстэрэ маннык быһаарыныыны…
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 20 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…