Хаартыска: Бэтэринээрийэ департамена.
2022 сыл бэс ыйын 28 күнүгэр ылыллыбыт 221 нүөмэрдээх Федеральнай Сокуоҥҥа олоҕуран, 2024 сыл кулун тутар 1 күнүттэн ынах сүөһүнү, сылгыны, көтөрү маркировкалааһын, учуокка туруоруу булгуччулаах буолла. Ол аата, ынах сүөһү, сылгы, дьиэ кыыла барыта, хаһаайыстыба көрүҥүттэн тутулуга суох, маркировкаланар. Федеральнай Сокуон 19.1 ыстатыйатын 6 пууна этэринэн, маркировканы хаһаайын бэйэтэ атыылаһан, эбэтэр, бэтэринээр көмөтүнэн оҥорторуон сөп диэн Бэтэринээрийэ департамена иһитиннэрэр.
Сүөһүгэ бииркэ икки араастаах буолар: улахана ыраахтан көрөргө табыгастаах, биэс нүөмэрдээх, оттон кырата анал тэрилинэн (сканерынан) ааҕыллар 15 нүөмэрдээх бииркэ буолар. Сылгыга тириитин иһигэр сканерынан эрэ ааҕыллар микрочип угуллар, кулгаахтарыгар иилиллэр анал бэлиэ бииркэ, сүтүмтүө буолар диэн, сылгыга оҥоһуллубат. Кыылга иҥэриллибит бииркэ уонна микрочип нүөмэрдэрэ кыылы-сүөлү учуоттуур РегАгро уонна Хорриот судаарыстыбаннай систиэмэҕэ киирэллэр, ол үлэни бэтэринээр толорор. Судаарыстыбаннай систиэмэҕэ сүөһү нүөмэринэн ханнык быһыыны ылбытын, сааһын, боруодатын, хаһаайынын туһунан ыйылла сылдьар.
Маркировкалааһын үлэтин ыытыы күнэ-дьыла, болдьоҕо РФ бырабыыталыстыбатын 2023 сыл муус устар 5 күнүгэр ылыллыбыт 550 нүөмэрдээх Уурааҕар олоҕуран, СӨ бырабыыталыстыбатын бэрэссэдээтэлэ алтынньы 21 күнүгэр ыыппыт мунньаҕын №Пр-171-П5 боротокуолугар ыйыллан турар. Ол курдук, ынах сүөһү ахсынньы ыйга диэри маркировкаланан бүтүөхтээх, тэриллиилээх уонна бааһынай хаһаайыстыбалар сылгылара — ахсынньы ыйга диэри, онтон кэтэх хаһаайыстыбалаах дьон сылгыта – кэлэр сыл кулун тутарыгар диэри маркировкаланан бүтүөхтээх.
Сыстыганнаах ыарыылар тарҕамматтарын, ыарыы төрүөтүн түргэнник булар туһугар ылыллыбыт федеральнай сокуон ирдэбиллэрэ тутуһулларын курдук, бэтэринээрдэр маркировкалааһын үлэтин ыыталларыгар пиэрмэрдэр күүс-көмө, көх-нэм буолуохтаахтар.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…